Otbasy bank qyzmetteriniń 70 paıyzy tsıfrlyq formatqa kóshti
ASTANA. KAZINFORM — Otbasy bank bıyldan bastap qyzmetteriniń basym bóligin tsıfrlyq formatqa kóshirip, jasandy ıntellekt tehnologııalaryn engizýdi qolǵa aldy. Bul týraly BIZDIÑ ORTA podkastynda «Otbasy bank» AQ basqarma tóraǵasynyń orynbasary Jansultan Mataı aıtty.
— 2026 jyldan bastap Otbasy banktiń operatsııalarynyń shamamen 70 paıyzy tsıfrlyq formatqa kóshti. Qazir mobıldi qosymsha men portal arqyly ıpoteka rásimdeýdiń jáne bank qyzmetteriniń basym bóligi onlaın kórsetiledi. Sonymen qatar turǵyn úıdi úlestirý protsesi tolyq avtomattandyrylǵan. Júıe azamattyń qaı sanatqa jatatynyn, kezekke qashan turǵanyn, otbasy quramyn jáne basqa da málimetterdi ózi saralap, sheshim qabyldaıdy, — dedi Jansultan Mataı.
Onyń aıtýynsha, bankte jasandy ıntellekt baǵytyndaǵy arnaıy departament qurylǵan. Qazir tehnologııa eń aldymen turǵyndardan kelip túsetin ótinishterdi óńdeý protsesine engizilip jatyr.
— Otbasy bankke turǵyn úı máselesine qatysty jyl saıyn 100 myńnan astam ótinish túsedi. Jasandy ıntellekt qaıtalanatyn saýaldardy anyqtap, jaýaptar bazasynan qajetti aqparatty irikteý arqyly azamattarǵa jaýap berý merzimin edáýir qysqartýǵa múmkindik beredi, — dedi sarapshy.
Aldaǵy ýaqytta mobıldi qosymsha arqyly turǵyn úı kezegine turý, kezektegi mártebeni baqylaý, usynylǵan baspanaǵa kelisim berý jáne otbasy músheleri týraly málimetterdi jańartý sııaqty qyzmetterdi tolyq onlaın kórsetý josparlanyp otyr.
Aıta keteıik, buǵan deıin, skorıngsiz ıpotekany qalaı alýǵa bolatynyn jazǵan edik.
