Otbasy bank 2025 jyly 200 mlrd teńgeniń oblıgatsııasyn shyǵarýdy josparlap otyr

ASTANA. KAZINFORM – «Otbasy bank» aktsıonerlik qoǵamy «Naýryz» baǵdarlamasyn 2025 jyly da jalǵastyrý úshin 200 mlrd teńgeniń oblıgatsııasyn shyǵarmaqshy. Bul aktsıonerlik qoǵamnyń basqarma tóraıymy Lázzat Ibragımova Úkimet otyrysynda málim etti.

Отбасы банк
Фото: Мухтор Холдорбеков/Kazinform

– Baǵdarlamalardy jalǵastyrý úshin 2025 jyly qosymsha 200 mlrd teńgeniń oblıgatsııasyn shyǵaramyz. Bank oblıgatsııalardy 14-15 paıyzdan, naryqtyń baǵamymen shyǵarady. 7 paıyzǵa deıin memleketten sýbsıdııalanady. Birinshi ret 24 qańtarda bıýdjetten 8 mlrd 180 mln teńge bólýdi suraımyz, - dedi ol.

«Otbasy bank» basshysy atalǵan baǵdarlama jas otbasylardyń arasynda tanymal ekenin aıtady.

- 2025 jyly «Naýryz» baǵdarlamasynyń tabysty júzege asýy úshin bıýdjet qarajatyn bólý protsesin tezdetýdi usynamyz. Atalǵan baǵdarlama jas otbasylar arasynda suranysqa ıe. Sondyqtan bank osy jumystardy ary qaraı jalǵastyrýdy josparlaıdy, - dedi ol. 

Buǵan deıin «Otbasy bank» turǵyn úımen qamtý protsesin qalaı avtomattandyratynyn jazǵan edik. 

Сейчас читают