Otbasy bank 2 naýryzdan bastap turǵyn úı kezeginiń tártibin ózgertedi

ASTANA. KAZINFORM — 2026 jylǵy 2 naýryzdan bastap Otbasy bank turǵyn úıdi tek túgendeýden ótkennen keıin ǵana úlestiretin bolady. 

Osy sátten bastap ınventarızatsııa turǵyn úı bólý aldyndaǵy alǵashqy ári mindetti qadamǵa aınalady.

— Eger kezekte turǵan azamat túgendeýden ótpese, ony kezekten shyǵarmaıdy. Alaıda ol qansha ýaqyt kezekte tursa da, turǵyn úıdi bólý protsesine qatysa almaıdy. Túgendeýden ótpegen jaǵdaıda bank oǵan jaldamaly turǵyn úıdi de, sondaı-aq 2% jáne 5% mólsherlemesimen jeńildetilgen nesıe arqyly páter satyp alý múmkindigin de usyna almaıdy, — delingen bank habarlamasynda.

Qazirgi tańda kezekte turǵan azamattardyń ishinde 257 000 adam túgendeýden ótti.

Aıta ketelik muǵalimderdi baspanamen qamtamasyz etýdiń qandaı tetikteri qarastyrylǵany týraly jazǵan edik.