Otbasy bank: 1-6 qańtardaǵy tólemderge ósimpul alynbaıdy

ASTANA.KAZINFORM — Otbasy bank ıpotekalyq nesıe boıynsha tólemderdi qaıta qabyldaıtynyn habarlady jáne 1–6 qańtar aralyǵynda tólem jasaı almaǵan klıentterge eshqandaı aıyppul salynbaıtynyn málimdedi.

Qazaqstandyqtar ıpotekalyq aı saıynǵy tólemderin 7 qańtar saǵat 20:00-ge deıin jasaı alady, bul tólemder keshiktirilgen dep sanalmaıdy, ósimpuldar alynbaıdy, al tólemderdiń keshiktirilgeni týraly aqparat kredıttik bıýroǵa berilmeıdi. Tólemderdi seriktes bankter – Kaspi Bank, Halyk bank, sondaı-aq Qazaqstannyń kez kelgen banki arqyly aǵymdaǵy esepshotqa aýdarý arqyly jasaýǵa bolady.

Qarjy uıymy qosymsha atap ótkendeı, mobıldi qosymsha shtattyq rejımde jumys istep tur, barlyq negizgi fýnktsııalar tolyq kólemde qoljetimdi.

Eske sala keteıik, Otbasy bank qosymshasy men enpf-otbasy portaly ýaqytsha isten shyqqan edi.

Aıta keteıik, Otbasy bank Almatydan Astanaǵa kóship jatyr.