«Otaý» jáne «Naýryz» ıpotekasyna 64 myń adamnan ótinim túsken

ASTANA. KAZINFORM – Parlament palatalarynyń birlesken otyrysynda Premer-Mınıstr Oljas Bektenov turǵyn úı qurylysy qalaı damıtynyn aıtty.

«Tek «Báıterek» holdıngi arqyly ekonomıkamyzǵa 3 trln teńgege ınvestıtsııa quıylyp jatyr. «Samuryq Qazyna» qorynyń esebinen 700 mlrd teńge bólindi. Bıyl 18 mln sharshy metr turǵyn úı salynady», - dedi ol.

Oljas Bektenov Prezıdent tapsyrmasy boıynsha eki jeńildetilgen baǵdarlama iske qosylǵanyn eske saldy.

«Ózderińiz biletindeı, Memleket basshysynyń tapsyrmasy boıynsha eki jeńildetilgen turǵyn úı baǵdarlamasy iske qosyldy «Otaý» jáne «Naýryz». Qazirgi tańda 64 myń adam osy eki baǵdarlama boıynsha ótinim joldady. «Samuryq Qazyna» qorynyń esebinen 222 mlrd teńge jaldamaly turǵyn úı salýǵa jiberildi», - dedi Úkimet basshysy.