«OTAU TV» spýtnıktik televıdenıesi jańa paketin iske qosty
ASTANA. QazAqparat - «Qazteleradıo» AQ ulttyq operatory spýtnıktik telehabar taratý jelisinde sapasy jaqsy sheteldik telearnalary bar «OTAU+» jańa paketin iske qosady, dep habarlaıdy Aqparat jáne kommýnıkatsııalar mınıstrliginiń baspasóz qyzmetinen.
Jańa pakette otandyq 66 tele- jáne radıokanaldarmen qatar, túrli janrdaǵy 11 sheteldik telearna bolady. Pakettiń quny aıyna 500 teńgeni quraıdy.
«OTAU TV+» paketine mynadaı telearnalar qosylady: «RTR Planeta», «Ren TV ınter», «Domashnıı», «STS», «Mama», «Mýlt», «Cartoon Network», «Amedia-2», «Dom kıno», «Cinema» jáne «Bollywood».
Eske salaıyq, «OTAU TV» spýtnıktik telearnasynda 66 otandyq tele-, radıo kanaldar habar taratýda, «Tegin» paketinde (abonenttik tólemsiz) SD jáne HD formattar bar.
Aqyly paketti qosý úshin qosymsha quraldar men jınaqtaý jumystarynyń qajeti joq.
Ulttyq jerseriktik teleradıo habarlaryn taratatyn «OTAU TV» qyzmeti Qazaqstan Respýblıkasynyń barlyq aýmaǵy boıynsha qol jetimdi.
