«OTAU TV» arnalarynyń toptamasyna tólem qymbattaıdy
ASTANA. QazAqparat - 2016 jyldyń 1 qyrkúıeginen bastap «OTAU TV» jerseriktik televızııasynyń «Tolyq» arnalar toptamasyn kórý úshin abonenttik tólem aıyna 2000-nan 2500 teńgege deıin kóteriledi.
«Qazteleradıo» AQ baspasóz qyzmetiniń habarlaýynsha, bul shara sheteldik telearnalardy retranslıatsııalaý boıynsha quqyqtardy alýǵa shyǵyndardyń aıtarlyqtaı ósýimen baılanysty. Bir jarym jyldyń ishinde ulttyq valıýta - teńgeniń birneshe ret quldyraýyn esepke ala otyryp, kompanııa abonenttik tólem saqtaý úshin rezervti qarastyrdy.
Osy abonenttik tólemniń kóbeıýi qyzmettiń quramynda reıtıngtik qymbat turatyn sheteldik arnalardy saqtaý maqsattarynda shyǵyndardy óteý úshin májbúrli shara bolyp tabylady. Kompanııada túsindirýinshe, sheteldik jáne otandyq arnalardy retranslıatsııalaýmen baılanysty shyǵyndar turaqty túrde ósýde, bul rette «OTAU TV» jerseriktik televızııasynyń qyzmetteri úshin qalyptasý kúninen bastap quny eshbir kóterilmedi. Retranslıatsııa úshin tólemdi, sonyń ishinde ataqty baǵdarlamalarǵa kontent pen franshızany shetelde alǵandyqtan taıaý sheteldik elderdiń quqyq ıeleri de sheteldik valıýtada tóleıdi. Osyǵan baılanysty, dollarǵa degen teńge baǵamynyń eki esege ósýine baılanysty túsip jatqan tabystar sheteldik telearnalardy taratýǵa quqyqtardy satyp alý boıynsha shyǵyndardy ótemeıdi.
- «Qazteleradıo» AQ usynyp otyrǵan qyzmetterdiń sapasyn arttyrý, kontentti keńeıtý boıynsha jumystardy turaqty túrde ótkizýde. Osylaısha, «Tolyq» arnalar toptamasynyń quramyna 115 teleradıoarnalar kiredi, sonyń ishinde 60-tan astamy - bul áıgili sheteldik telearnalar. «OTAU TV» jerseriktik televızııany iske qosý kezinen bastap 5 jyl ótti, aqyly arnalardyń sany turaqty túrde ósti, sonyń ózinde abonenttik tólem bastapqy deńgeıde qalyp otyrdy, sondaı-aq biz ony birneshe ret tómendettik. Ekonomıkalyq jaǵdaı óziniń sharttaryna májbúrlegen kezde biz abonenttik tólemdi arttyrmadyq. Bizdiń tutynýshylarmyz osy jaǵdaıǵa túsinýshilikpen qaraıdy dep úmittenemiz, - dep atap ótti «Qazteleradıo» AQ Teleradıokompanııalarmen ózara árekettestik jónindegi departamenttiń dırektory Gúlmıra Baltabaeva.
Eske sala ketsek, «OTAU TV» jerseriktik televızııasy Qazaqstan Respýblıkasynyń 100% aýmaǵyn qamtıtynyn jáne Qazaqstannyń shalǵaıdaǵy óńirlerdiń turǵyndary arasynda aqparattyq teńsizdikti joıý boıynsha memlekettik baǵdarlamany júzege asyrýda birinshi kezeń bolyp tabylatynyn eske salamyz. Abonentterdiń sany 1 mln otbasyna qamtıdy.
