«OTAU TV» abonentteri 400 myńǵa jetti
ASTANA. 7 qarasha. QazAqparat - Aqtóbe oblysynda «OTAU TV» Ulttyq teleradıo habarlaryn taratý spýtnıktik jelisiniń 400-myńynshy abonenti tirkeldi. Bul týraly «Qazteleradıo» AQ qoǵammen baılanys qyzmeti habarlady.
Ol Blagodarnoe aýyldyq okrýgine qarasty Aqjar aýylynyń turǵyny Orazaly Almatov bolyp shyqty. Osynaý mańyzdy oqıǵanyń qurmetine mereıtoılyq abonentke eskertkish syılyq tartý etildi.
«OTAU TV» Ulttyq spýtnıktik televıdenıesi tolyq sandyq formatta 2011 jyly qańtarda el Prezıdenti Nursultan Nazarbaevtyń qatysýymen ashylǵan bolatyn.
- Úsh jylǵa jetpeıtin ýaqyt ishinde elde onyń abonentteriniń sany 400 myńǵa jetti, endi alda 500 myńdyq kórsetkishke jetý mejelenip otyr», - dedi oblystyq teleradıo habarlaryn taratý dırektsııasynyń dırektory Arystan Ahmetnııazov.
Onyń aıtýynsha, «OTAU TV» Qazaqstannyń kez kelgen túpkirinde turatyn abonentiniń 38 otandyq telearna men 7 radıo arnasyna tegin qol jetkizýin qamtamasyz etedi. Reıtıngilik sheteldik arnalar aqyly qyzmet túrinde usynylady. Máselen, «Standart» býmasyna (72 arna) - abonentter aıyna 1 myń teńge, al «Elıt» býmasyna (97 arna) - aıyna 2 myń teńge tóleıdi. Bul jeliniń artyqshylyǵy nede?
Birinshiden, «OTAU TV» arqyly qala men aýyl arasyndaǵy aqparattyq teńsizdik deńgeıi tómendeıdi. Aýyl turǵyndary úsh jyl buryn eń kóp degende 3-4 arnany kórýdi mise tutatyn. Búginde olar spýtınıktik jabdyqty satyp alyp, sapaly kóptegen arnany kóre alady. Ekinshiden, ulttyq jeli eń shalǵaı eldi mekenderdi qamtı alady. Kábil tóseý múmkin bolmaǵan jerde, spýtınktik arnalar jumys jasaıdy. Taǵy bir artyqshylyǵy - utqyrlyǵy. Siz tele- jáne radıohabarlardy shalǵaıdaǵy jaılaýda, mal fermalarynda da kóre alasyzdar. Bizdiń kóptegen abonentterimitsz Temir, Muǵaljar, Áıteke bı, Baıǵanyn aýdanynyń, sondaı-aq, árıne, Aqtóbe qalasynyń turǵyndary», - deıdi dırektor.
«Oblystar boıynsha, aqtóbe óńiri Ulttyq spýtnıktik jelini engizýde kóş bastap otyr. Al abonentterdiń jalpy sany jaǵynan Ońtústik Qazaqstan oblysy men Almaty qalasynan keıingi úshinshi orynda. Búginde 37 myńnan astam aqtóbelik otbasylar spýtınktik jelige qosylǵan, bul 150 myńdaı turǵyn degen sóz. Qazan aıynyń 29 kúni ishinde ǵana bizdiń oblysymyzda 5 200 úı sharýashylyqtary jelige qosyldy - bul osy kezeńde el boıynsha eknshi oryn alady degendi bildiredi», - dedi A.Ahmetnııazov.
Aqjar aýylynyń turǵyny Orazaly Almatov 21 qazan kúni «OTAU TV» spýtınktik jabdyǵyn satyp alǵan bolatyn, al 22 qazan kúni oǵan oblystyq teleradıokompanııa ókilderi telefon soqty.
- Men buryn mundaı utysqa eshqashan ıe bolǵan joq edim, mundaı mereıtoılyq syılyq men úshin kútpegen qýanysh boldy. Onyń ústine men osy kúnderi 50 jasqa tolyp otyrmyn», - deıdi ol.
Orazaly Almatov buryn teplovoz mashınısi bolǵan. Endi qazir ózin ózi jumyspen qamtyp otyr. Onyń úsh eresek balalary bar, olar Ulttyq jelige qosylý týraly ákeleriniń ıdeıasyn qýana qarsy aldy. Endi úıde jańa teledıdar paıda boldy - ony «Qazteleradıo» AQ syıǵa tartty. Onyń ústine - úsh aı boıy «Elıt» telebaǵdarlamasynyń premıým-býmasyn tegin kórý múmkindigine ıe boldy.
