Otasqanyna 30 jyl bolǵan otbasy «Nur Otan» partııasyna senim artady

QAZALY. QazAqparat - «Nur Otan» partııasynyń Qazaly aýdandyq máslıhatynyń depýtattyǵyna úmitker Gúldári Imanalıeva saıası naýqannyń úgin jumystaryn júrgizýde.

Nasıhat naýqanyn «Esikten esikke» aktsııasy aıasynda saılaýshylardyń úılerine barýdan bastaǵan kandıdat, erekshe otbasynda boldy.

Erekshe deıtin sebep, bul úıdiń ıeleriniń otbasy bolyp, úlken ómirde qol ustasyp kele jatqandaryna bıyl 30 jyl tolyp otyr.

Úmiker partııanyń jetistikteri men el ıgiligi úshin jasaǵan ıgi isteri týraly, sondaı-aq aldaǵy 5 jylǵa josparlanǵan «Ózgerister joly: Ár azamatqa laıyqty ómir!» atty baǵdarlama jaıly aıtyp, oń ózgeristerdiń ár azamatqa laıyqty ómir súrýge baǵyttalyp otyrǵanyn jetkizdi.

«Jarym ekeýmiz otasqan 30 jyl boıy memleketimizben birge ósip-órkendep kelemiz. Allanyń bergen 3 balasyn tárbıelep, qazirgi tańda úlken áýletke aınalyp otyrmyz. Elimizdiń qalaı órkendep qanat jaıyp, gúldenip jatqanyn óz kózimizben kórip otyrǵandyqtan, biz urpaqtarymyzdyń bolashaǵyna senimdimiz. Keleshekke esh alańdamas úshin biz januıamyzben 20 jyldyq tarıhy men taǵylymy bar Nur Otan partııasyn tańdaımyz», -dedi otaǵasy Qaırat Ótembet.

Aıtylyp jatqan árbir jańalyq pen jańashyldyqqa rıza bolǵan otbasynyń 80 jastaǵy qarııasy aq batasyn berip, partııanyń 7 jetistigi jazylǵan úgit qaǵazyn úzdiksiz oqyp otyrdy.

Al úmitker, erikti jastarmen birge 30 jyldyq tarıhy bar otbasynyń sýretterine súısinip qaraı berdi.

Materıal «Nur Otan» partııasy Qyzylorda oblysy, Qazaly aýdanynyń saılaý qory qarjysy esebinen jarııalandy.