Otardaǵy jaýyngerlik parad: Áskerıler shabýylǵa toıtarys berýge daıyn ekendikterin kórsetti

OTAR. QazAqparat - Bıyl Jambyl oblysy Qordaı aýdanyndaǵy «Otar» 40-shy áskerı bazasynyń aýmaǵynda uıymdastyrylǵan jaýyngerlik paradtyńekinshi bólimi erekshe ótti. Qazaqstan áskeri men arnaıy qyzmetiniń áskerı qyzmetshileri óz áleýetin kórsetti, dep habarlaıdy QazAqparat tilshisi.

Qarýly Kúshterdiń arnaıy maqsattaǵy bólimi men arnaıy operatsııalar kúshteri avıatsııa, jaýyngerlik tehnıka, tankter, jaıaý áskerdiń jaýyngerlik mashınalary, raketa áskerleri men artıllerııa, sondaı-aq aýmaqtyq qorǵanys qurylymynyń kómegimen zańsyz qarýlanǵan qurylymdardyń shartty bazasyn joıdy.

Birinshi bólimde zańsyz qarýlanǵan qurylymdardyń bazalyq aýdanyna barlaý jasaldy, keıin barlaý maqsattary boıynsha avıatsııa jáne raketa áskerleri artıllerııasy joıqyn soqqy berdi.

Ekinshi bólimniń nátıjesinde - «brondalǵan taktıkalyq toptardyń shabýyly» kórsetildi, quramynda tankter, soǵys mashınalary  men bronetransporterlary bar taktıkalyq jáne motoatqysh toptary shartty dep belgilengen qarsylastarǵa shabýyl jasady.

Úshinshi bólimde - aeroutqyr desantynyń áýe-shabýyl áreketi usynyldy. Operatsııa kezinde Qarýly Kúshterdiń arnaıy maqsattaǵy jáne arnaıy operatsııalar kúshi bóliminiń áýe desanty shabýyl, qoný tásilimen jáne falmen túsýdi kórsetti.

Ári qaraı eldi mekendegi qarsylastar qorshaýǵa alyndy.  Munda oq jaýdyrý arqyly qoldaý kórsetinen rotanyń áskerı qyzmetshileri jumyldyryldy. Sońǵy bólimde zańsyz qarýlanǵan sodyrlar bazasy joıyldy. Áskerı áreketter shartty qarsylasty joıý úshin parashıýtshilerdiń túsýimen aıaqtaldy.

Parad bir saǵattan astam ýaqytqa sozyldy. Keıin kórermender áskerı tehnıka kórmesimen tanysty.

Eske salaıyq, jaýyngerlik paradqa 3 myńǵa jýyq áskerı qyzmetshi, 300-den astam áskerı tehnıka jáne 40-qa jýyq avıatsııa tehnıkasy qatysqan bolatyn. Berilgen tapsyrmalar sátti oryndaldy.

Elbasy - Qazaqstan Respýblıkasy Qarýly Kúshteriniń Joǵarǵy Bas qolbasshysy Nursultan Ábishuly Nazarbaev  paradqa qatysýshylarǵa alǵys bildirdi.

Qazaqstan Respýblıkasynyń azamattary Qazaqstan áskeriniń jaýyngerlik qýaty men áskerı qyzmetshilerdiń kásibı jumysyn respýblıkalyq telearnalardan jáne QR Qorǵanys mınıstrliginiń resmı saıtynan, sondaı-aq QazAqparat saıtynan tamashalady.