Otarda komaǵa túsken sarbaz: áskerı qyzmetshige qatysty sot úkimi shyqty

ALMATY. KAZINFORM — Almaty garnızonyndaǵy áskerı sotta Otarda sarbazdy uryp, jansaqtaý bólimine túsirgen kishi serjantqa qatysty sot úkimi shyqty.

Almaty garnızonynyń áskerı sotynda T-ǵa qatysty bılikti asyra paıdalaný faktisi boıynsha qylmystyq is qaraldy. (QK-niń 451-babynyń 1-bóligi)

Sotta anyqtalǵandaı, 2024 jyldyń maýsym aıynda sottalýshy T. jeke quramdy basqara otyryp, áskerge shaqyrylǵan sarbaz Á.-niń ishinen ádeıi soqqy jasap, onyń densaýlyǵyna jeńil zııan keltirgen. Bul áreket arqyly aıyptalýshy onyń abyroıyn taptap, ústemdigin kórsetýdi kózdegen.

Sottalýshynyń kinási jábirlenýshiniń, kýálardyń aıǵaqtarymen, tergeý hattamalarymen jáne saraptama qorytyndylarymen dáleldendi. Sottalýshy óz kinásin moıyndamady.

Jábirlenýshiniń ókilderi sýdıadan aıyptalýshyny zańnyń barynsha qatańdyǵymen jazalaýdy jáne materıaldyq shyǵyndy óteýdi surady.

— Áskerı sot áskerı qyzmetshi T-ny kináli dep tanyp, 3 jylǵa bas bostandyǵynan aıyrdy. Sondaı-aq, sot jábirlenýshiniń paıdasyna 2 mln-nan astam teńge materıaldyq shyǵyn óndirdi, — dep habarlady Almaty garnızony áskerı sotynyń baspasóz qyzmeti.

Sot úkimi zańdy kúshine engen joq.

Aıta keteıik, Jambyl oblysynda sarbaz jansaqtaý bólimine túsken edi. 

Prezıdent Qasym-Jomart Toqaev sarbazdyń komaǵa túsýine qatysty mán-jaıdy zerttep, kináli adamdardy jazalaýdy talap etti.