Otarda «ArMI-2018» halyqaralyq áskerı oıyndary bastaldy

TARAZ. QazAqparat - Otar áskerı polıgonynda dástúrge aınalǵan «ArMI-2018» halyqaralyq áskerı oıyndary bastaldy, dep habarlaıdy QazAqparat 24.kz silteme jasap.

Bıylǵy jarysqa 12 memleketten 18 komanda qatysyp jatyr. Olar - Reseı, Qyrǵyzstan, Ózbekstan, Qytaı, Tájikstan, Sırııa, Ázerbaıjan, Belarýs, Venesýela, Zımbabve, Iran jáne elimizdiń qarýly kúshteri. Sarbazdar úsh túrli saıys boıynsha baq synaıdy. Atap aıtqanda, artıllerııa, suńqar salý jáne senimdi qabyldaý.

Aıta keteıik, bıyl alǵash ret baılanys qyzmetkerleri arasynda «Senimdi qabyldaý» baıqaýy ótkizilip otyr. Jarystyń ashylý saltanatyna elimizdiń qorǵanys mınıstri Sáken Jasuzaqov pen Qyrǵyzstan Respýblıkasy qarýly kúshteriniń basshysy Raıymberdi Dúıshenbıev qatysty.

Jarystyń alǵashqy kúninde artıllerııalyq kúshter qabiletin kórsetti. Tank komandalary kedergilerdi baǵyndyryp, nysanany kózdep atýdan úzdikti anyqtaıdy. Sáken Jasuzaqov, QR Qorǵanys mınıstri: -

«Halyqaralyq áskerı oıyndar tórtinshi jyl dástúrli túrde uıymdastyrylyp otyr. Basty maqsat - elder arasyndaǵy áskerı yntymaqtastyqty arttyrý. Jáne sarbazdardyń sheberligin shyńdaý»,-deıdi QR Qorǵanys mınıstri Sáken Jasuzaqov.

Osyǵan oraı, sheteldik qatysýshylardy da áńgimege tarttyq.

«Biz ótken jylǵy áskerı oıyndarǵa qatysyp, oryn ala almadyq. Bıyl barlyq qatelikterimizdi sabaqtap keldik. Qatelikter kóbinese áskerı erejelerge baılanysty boldy. Sonymen qatar, bizdiń tehnıkamyzda da aıyrmashylyq bar»,-dedi Zımbabve komandasynyń ókili Fakt Mashove.