Otar eldi mekenindegi tóbeles: eki áskerı qyzmetshi ýaqytsha ustaý ızolıatorynda

Áleýmettik jelide Jambyl oblysyndaǵy Otar eldi mekeninde bolǵan tóbelestiń vıdeosy tarady. Vıdeoda tóbeleste áskerı qyzmetshilerdiń de bar ekendigi aıtylǵan, dep habarlaıdy Kazinform. 

QR Qorǵanys mınıstrliginiń baspasóz qyzmeti oqıǵaǵa baılanysty pikir bildirdi. Onda «1 qańtarda Jambyl oblysy Polıtsııa departamenti men Qordaı aýdany Polıtsııa bólimi qyzmetkerleri bir top adamnyń ústinen buzaqylyq jasady degen faktimen qylmystyq is qozǵaldy. Atalǵan oqıǵa nátıjesinde eki azamat dene jaraqatyn alǵan.

Qylmystyq isti tergeý barysynda Gvardeısk garnızonynda kelisimshart boıynsha áskerı qyzmetshilerdiń oqıǵaǵa qatysy bary anyqtaldy.

«QR QІJK-niń 128, 131-baptaryna sáıkes, osy qylmysty jasady degen kúdikpen alty adam ustaldy, onyń ishinde 2 áskerı qyzmetshi qazirgi ýaqytta ýaqytsha ustaý ızolıatoryna qamaýǵa alyndy. Ózge aqparat tergeý múddesi úshin jarııa etilmeıdi», – delingen habarlamada.

QR QK «Ońtústik» óńirlik qolbasshylyǵy baspasóz qyzmeti «tóbeles áskerı qyzmetshiler men qarapaıym azamattar arasynda boldy», «áskerıler jergilikti turǵyndy soqqyǵa jyqty» degen aqparattardyń shyndyqqa janaspaıtynyn habarlady.

Tóbeleskenderdiń ishinde tek ekeýi áskerı qyzmetshi jáne oqıǵa jumystan tys ýaqytta bolǵan.