«Otar» áskerı bazasynda jaýyngerlik parad ótip jatyr
Jaýyngerlik parad 5 taktıkalyq epızodtan turady.
Áskerı bólimshelerdiń qyzmetshileri áýe jáne qurlyqtaǵy urys tehnıkalaryn paıdalana otyryp, shartty dep belgilengen jaý nysandaryn joıý sheberligin kórsetedi.
Birinshi epızodta kórermenderge jaý nysandaryn barlaý barysynda tabý mashyqtary kórsetilse, ekinshi epızodta áýe artıllerııasy olardy raketalyq soqqylarmen joıýǵa tyrysty.
Ekinshi epızodta brondalǵan taktıkalyq toptyń shabýyly motoqarý toptary men T-72 tankileriniń, BMP-2 áskerı kólikteriniń, BTR-82A bronetransporterleriniń, «Termınator» BMPT kólikteriniń qarýly jaýǵa qarsy shabýylyna ulasty.
Úshinshi epızodta Aeroutqyr desant áskerıleriniń áýedegi joıqyn shabýylyna ulasty. Munda kórermender áskerı desantshylardyń úsh tásilmen jerge qonýyn tamashalady.
Tórtinshi epızodta áskerıler jaý áskerine eldi meken ishinde toıtarys berýge tyrysty.
Bul epızodta shabýyl rotasy «Vasılek» 82 mm avtomattyq mınometterimen, KamAz kólikterine ornatylǵan zenıttik ZÝ-23-2 qondyrǵylarymen, arnaıy jasaq ulandary Toyota Pick UP kólikterinde ornatylǵan pýlemetterimen jaýǵa qarsy shyqty.
Besinshi epızodta jaýdyń zańsyz qarýlanǵan nysandary joıylatyn bolady.
Sonymen qatar, bul kezeńde S-295 ushaǵynan parashıýtısterdiń túsýi kórsetiledi.
Munda fronttyq, armııalyq, áskerı-kóliktik avıatsııa, S-295, Sý-30 kópnysandy joıý ushaqtary óz mashyqtaryn kórsetedi.
