«Otar» 40-shy áskerı bazasynda QR Qarýly Kúshteriniń úzdik serjanty anyqtalmaq
Áskerı qyzmetshiler óńirlik qolbasshylyqtyń, brıgadanyń, batalonnyń, rotanyń, vzvodtyń jáne bólimsheniń úzdik serjanty ataǵy úshin ózara saıysqa túsetin bolady. Nomınatsııa boıynsha úzdik mehanık-júrgizýshi, úzdik atqysh, úzdik radıotelegrafshy, úzdik saper jáne úzdik dáriger anyqtalmaq.
"Serjanttar áskerı-sporttyq jarystan, jekpe-jek urystan, jaýyngerlik mashınalardy júrgizýden, atys daıarlyǵynan, radıatsııalyq, hımııalyq jáne bıologııalyq qorǵanýdan, áskerı topografııadan bilimderi men sheberlikterin kórsetetin bolady. Mańyzdy saıystardyń qatarynda ádebı-shyǵarmashylyq baıqaý da bar", delingen habarlamada.
Atalǵan saıystardyń burynǵy baıqaýlardan aıyrmashylyǵy, sharaǵa alǵash ret serjanttardan bólek, basqa da salalardaǵy áskerı qyzmetshiler qatysýda.
Atalmysh baıqaý áskerı qyzmettiń bedelin arttyrýǵa, áskerı bólimder men Qazaqstan armııasynyń quramalaryndaǵy ozyq tájirıbeni taratýǵa baǵyttalǵan. Tórelik etetin komıssııaǵa QR QK Bas shtaby bastyǵynyń orynbasary general-maıor M.Altynbaev jetekshilik etedi. Baıqaý 4 qazanǵa deıin sozylady.