«Otar» 40-áskerı bazasynda joǵary áskerı oqý oryndaryn bitirgen jas ofıtserlerdiń oqý-ádistemelik jıyny ótti
Ofıtserlerdiń bul sanaty «Ońtústik» óńirlik qolbasshylyǵy áskerlerine, sondaı-aq QR QK Qurlyq áskerleri bas qolbasshysyna jáne QR QK Qarý-jaraq bas basqarmasyna tikeleı baǵynysty bólimderge taratyldy. Bul týraly Qorǵanys mınıstrliginiń bspasóz qyzmetinen habarlandy.
«Ońtústik» óńirlik qolbasshylyǵynyń áskerleri bıyl Qazaqstannyń, Reseı Federatsııasynyń jáne Belarýs Respýblıkasynyń joǵary oqý ornyn bitirgen 70-ten astam túlektermen tolyqty.
On kún boıy jıyn jetekshileri basshylyq qujattardyń negizgi talaptaryn jetkizý jónindegi jumysty júrgizdi. Leıtenanttar negizgi oqý pánderi boıynsha synaqtar tapsyrdy. Olardyń atys, dene daıarlyǵy, arnaıy, tehnıkalyq, saptyq daıarlyq pánderi jáne jalpy áskerı jarǵylar boıynsha bilimderi baǵalandy.
Sondaı-aq jıyn barysynda mádenı-demalys jumystary belsendi júrgizildi - áskerı bólimder kórkemónerpazdary kontsertter qoıyp, jas ofıtserlerge oqý-ádistemelik fılmder kórsetildi jáne sport túrlerinen jarystar ótkizildi.
«Ońtústik» óńirlik qolbasshylyǵy áskerleriniń qolbasshylyǵy men jıyn ákimshiligi jas ofıtserlerdiń nazaryn olardyń árqaısysynyń kásiptik daıarlyǵynyń negizi ózdiginen darlaný bolyp tabylatyndyǵyn jáne ári qaraıǵy qyzmette umtylý qajet maqsattardyń bar ekendigine aýdardy.