Otanymyzdyń gúldenýi úshin óz úlesimizdi qosýymyz qajet - soǵys ardageri
ASTANA. QazAqparat - Barlyǵymyz Otanymyzdyń ósip-órkendeýi, gúldenýi úshin úles qosýǵa tıispiz. Elordadaǵy «Otan qorǵaýshylar» alańynda Uly Otan soǵysynyń ardageri Myńaıdar Boranbaıuly QazAqparat tilshisine osyndaı pikir bildirdi.
«Uly Otan soǵysyndaǵy Jeńiske 69 jyl tolyp otyr. Búginde táýelsiz qazaq elimiz barynsha qarqyndy damý ústinde. Biz beıbitshilik pen kelisimdi tirshilik keship, nemerelerimiz ben shóberelerimiz emin-erkin beıbit aspan astynda ósip keledi. Men Qazaqstannyń jyldan jylǵa budan da gúldenip, nyǵaıa túsýin tileımin. Azamattarymyz da memleketpen birge jańa jetistikterge jetip, ál-aýqattaryn arttyra bersin. Bizdiń barlyǵyz Otanymyzdyń gúldenýine óz úlesimizdi qosýǵa tıistimiz», - dedi maıdanger qart.
Aıta keteıik, M.Boranbaıuly 1944 jyly 17 jasynda maıdanǵa alynǵan bolatyn. Ol Belarýs jerinde ótken soǵystarǵa qatysyp, Eýropanyń birqatar qalalaryn basqynshy fashısterden azat etý urystarynda erlikpen shaıqasty.
