Otandyq jáne sheteldik ınvestorlar iske asyryp jatqan ınvestjobalar pýly jarııalandy
QR Prezıdenti Qasym-Jomart Toqaevtyń Úkimettiń keńeıtilgen otyrysynda bergen tapsyrmasyn oryndaý aıasynda bıylǵy aqpan aıynda Qazaqstanda iske asyrylyp jatqan ınvestıtsııalyq jobalardyń biryńǵaı pýly quryldy.
Úkimet ınvestıtsııalyq jobalar pýlyn ázirledi, oǵan otandyq jáne sheteldik ınvestorlardyń kásipkerlik sýbektileriniń jobalary engizildi. Pýlǵa shıkizattyq emes sektorlarda 500 mln teńgeden bastalatyn, ár túrli satydaǵy otandyq jáne sheteldik ınvestorlardyń kásipkerlik sýbektileriniń jobalary engizilgen.
Pýl jalpy somasy shamamen 24,14 trln teńge bolatyn álemniń 30-dan astam elinen 761 ınvestorlar jobasynan turady jáne 108 myńnan astam jumys ornyn qurýdy kózdeıdi.
Jobalardyń tolyq tizimi Syrtqy ister, Ulttyq ekonomıka mınıstrlikteriniń, «KAZAKH INVEST» UK» AQ men AHQO resmı saıttarynda qoljetimdi.
Sonymen qatar salalar bólinisinde jobalar beıindi mınıstrlikterdiń saıttarynda, óńirler bólinisinde qalalar men oblystar ákimdikteriniń saıttarynda jarııalanǵan.
Jarııalanǵan aqparatta mynadaı derekter usynylǵan: jobanyń ataýy, ınvestor eli, iske asyrylyp bastaǵan kúni jáne paıdalanýǵa berý josparlanyp otyrǵan kúni, óńir, jaýapty memlekettik organ, ınvestıtsııalar somasy jáne jumys oryndarynyń sany.
Jobalar týraly aqparat jobalardyń ár túrli satylarda damýyna baılanysty toqsan saıyn jańartylýy múmkin.
Investıtsııalyq jobalardyń biryńǵaı pýlymen myna siltemede tanysa alasyzdar.
