Otandyq zergerlik ónerkásipti damytýǵa zańnamalyq qoldaýlar jasalady

Atalǵan qujat baǵaly metaldar men asyl tastar óndirisi men aınalymy salasyndaǵy qatynastardy retteýdiń biryńǵaı zańnamalyq negizin qalyptastyrady. Zań jobasy baǵaly metaldar men asyl tastar, quramynda baǵaly metaldar bar shıkizatty, zergerlik jáne baǵaly metaldar men asyl tastardan jasalǵan basqa buıymdardyń aınalymy salasyndaǵy Úkimettiń, ýákiletti organnyń, Ulttyq bankiniń quzyretin aıqyndaıdy. Atalǵan zańdy qabyldaý otandyq zergerlik ónerkásipti qoldaýǵa jáne Qazaqstan aýmaǵyndaǵy quramynda altyny bar shıkizatty meıilinshe óńdeý múmkindigin qamtamasyz etýdi qamtamasyz etedi. ıAǵnı, quramynda altyny bar shıkizattardy shetelge shyǵarýǵa shekteýler qarastyrylady. Bul rette, eger otandyq óndiristiń bári shıkizatty óńdeýden bas tartsa nemese ýákiletti organ osyndaı bas tartýdyń oryn alǵany týraly naqtylasa ǵana quramynda baǵaly metaldar bar shıkizat taýarlaryn shetelderge óńdeýge shyǵarý múmkin bolmaq. Otandyq shıkizattan Qazaqstan aýmaǵynda ǵana emes, shetelde de óndirilgen affınırlengen altyndy alýda Ulttyq banki basymdyq quqyǵyna ıe bolady. Budan bólek, zergerlik jáne basqa da buıymdardy mindetti túrde synamalaý jáne tańbalaý týraly ereje engizilgen. Jıyn barysynda «Qazaqstan Respýblıkasynyń keıbir zańnamalyq aktilerine baǵaly metaldar men asyl tastar máseleleri boıynsha ózgerister men tolyqtyrýlar engizý týraly» zań jobasy da birinshi oqylymda qaraldy. Zań jobasy «Baǵaly metaldar men asyl tastar týraly» zań jobasynyń erejelerin quqyqtyq turǵyda qamtamasyz etýge baǵyttalǵan bes zańnamalyq aktige ózgerister men tolyqtyrýlar engizýdi kózdeıdi. Zań jobalary Palatanyń qaraýyna jiberiledi.