Otandyq zaýyt avtomobıl tirkemelerin shyǵara bastady
ÓSKEMEN. QazAqparat - Óskemendegi «Azııa Avto» zaýyty jeńil kólikterge arnalǵan tirkemelerdiń alǵashqy toptamasyn shyǵardy, dep habarlaıdy QazAqparat tilshisi.
Tirkemeniń syzbasyn zaýyttyń óz ınjenerleri daıyndaǵan. Bólshekterdiń 55 paıyzy osynda jasalǵan. ıAǵnı, shanaǵy men dóńgelek bilikteri, bort topsalary men elektr symynyń býmalary syrttan ákelinbeıdi. Bıyl 450 dana shyǵarý josparlanýda. Tirkeme Eýrazııa ekonomıkalyq odaǵynyń «Dóńgelekti kólik quraldarynyń qaýipsizdigi týraly» tehnıkalyq reglamenttine saı jasalǵan.
«Jergilikti konstrýktorlar jańa modelderdi jobalaıtyndaı deńgeıge jetip otyr. Keleshekte aýyr jáne orta salmaqqa arnalǵan tirkemeler óndirisin qolǵa almaqpyz. Motorly shańǵy men aýyl sharýashylyǵyna arnalǵan motorly shaǵyn tehnıkalar qurastyrý da oıda bar. Alǵashqy toptama 19 óńirdegi bólimshelerge jiberildi. Baǵasyn 260 myń teńge dep otyrmyz» - deıdi «Azııa Avto» AQ prezıdenti Erik Saǵymbaev.
Uzyndyǵy 3 metr, eni 1,7 metr bolatyn bul tirkemeler 570 kelige deıin júk kóteredi.
