Otandyq vaktsına ne sebepti Túrkııada quıylýy múmkin

NUR-SULTAN. QazAqparat – QR BǴM bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarııa qazaqstandyq vaktsınanyń ne sebepti ózge elde quıylýy múmkin ekenin túsindirdi, dep habarlaıdy QazAqparat tilshisi.

Spıkerge «Otandyq vaktsınany ne sebepti Túrkııada quıýǵa, qaptama jasaýǵa májbúrmiz? Qaraǵandyda vaktsınanyń reseılik nusqasyn sol protsesten ótkizip jatqan joq pa?» degen suraq qoıyldy.

«Instıtýttyń negizgi maqsaty – vaktsınany ázirlep shyǵarý. Búgingi kúni zaýyt Qazaqstanda áli joq, zaýytymyz soǵylyp jatyr. Qaraǵandyǵa kelsek, búl jerde kelesi aıyrmashylyq bar: Bizdiń ınaktıvtelgen vaktsınamyz taza vırýstan paıda bolady, sodan jasalady. Ol ekinshi top patogendikke jatady. Ekinshi topqa jatatyn patogendi vırýspen qalanyń ne úlken megapolıstiń ishinde jumystardy ótkizýge bolmaıdy. «Spýtnık-V» tehnologııasyna kelsek, onyń ishinde negizgi zat bizdiń SARS-CoV vırýsy emes, vırýstyń ishindegi kishkene ǵana aqýyz, ony tasymaldaıtyn adenovırýs vırýlenttigi tórtinshi topqa jatady. Tórtinshi topqa jatatyn vırýstarmen qala ishinde jumys isteýge bolmaıdy. Al endi Túrkııa nemese basqa zaýytta toltyrý máselesi naqty sheshilgen joq. Bizge Úkimet qaı jerge aparyp, ázirleý kerek dese, sol jerge baryp ázirleımiz. Onyń sebebin basynda aıttym, úlken kólemdegi vaktsınalardy bizde quıatyn «alań» joq», - Ortalyq kommýnıkatsııalar qyzmetinde ótken baspasóz máslıhatynda.