Otandyq toqyma jáne tigin ónerkásibi respýblıkanyń ishki naryǵy qajettiligin tek 8 paıyzǵa qamtamasyz etýde -S.Áıimbetov
Bul týraly búgin QR Parlamenti Májilisindegi Úkimet saǵatynda tómengi palatanyń Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov aıtty.
«Otandyq toqyma jáne tigin ónerkásibi respýblıkanyń ishki naryǵy qajettiligin tek 8 paıyz, aıaq kıimmen 1 paıyzǵa ǵana jýyǵyn qamtamasyz etedi. Al jeńil ónerkásip óniminiń 90 paıyzdan astamy ımporttyń úlesine tıesili bolyp otyr», - dedi ol.
Onyń atap ótýinshe, 2008 jyldan bastap 2013 jylǵa deıingi aralyqta jeńil ónerkásip taýarlarynyń ımporty 5 esege jýyq ósip, ósý qarqyny rekordtyq kórsetkish 481 paıyzdy quraǵan. Al eksport nebári 5-aq paıyzǵa artqan.
«Bul úrdis áli jalǵasýda. 2014 jylǵa taldaý jeńil ónerkásip taýarlarynyń ımporty eksporttan 12 esege asyp túsip, 2,241 mln. dollardy quraǵanyn kórsetip otyr. Osylaısha memleket zor áleýeti, ıaǵnı, shıkizaty, eńbek resýrstary bola tura, tolyqtaı ımportqa táýeldi bolýda. Daıyn taýarlar ımporty men shıkizat eksporty ǵana bolǵan kezde naqty ekonomıkanyń qandaı da bir ósýi týrly sóz qozǵaýǵa bolmaıdy. Munan Úkimet qabyldaǵan sharalardyń óndiristiń quldyraý deńgeıin tek turaqtandyryp qana otyrǵanyn kórýge bolady», - dedi S.Áıimbetov.
