Otandyq TKSh úshin jańa mamandar daıarlanady
ASTANA. 19 qańtar. QazAqparat /Arman Asqarov/ - Qazaqstannyń turǵyn-úı sharýashylyǵyn jańǵyrtý jumysyna qajetti mamandar asa mańyzdy baǵyttar boıynsha daıyndalady.
Búgin Astanada ótken konferentsııada «Turan-Profı» halyqaralyq kásiptik akademııasynyń rektory Manen Omarov osylaı aıtty.
Onyń habarlaýynsha, osy salaǵa qajetti mamandar «Kóppáterli úılerdi basqarý» jáne «Kóppáterli úılerge ınjenerlik-tehnıkalyq qyzmet kórsetý» sııaqty jańa baǵyttar boıynsha daıarlanatyn bolady. Sondaı-aq úılerdiń energııa únemdiligin retteý boıynsha arnaıy menedjerlerdi oqytý josparlanyp otyr.
«Búgingi tańda Qazaqstannyń turǵyn-úı sharýashylyq salasyna qajetti kásibı mamandar jetispeıdi. Biz osy olqylyqtyń ornyn toltyryp, osy salaǵa qajet mamandardy daıarlaı alamyz. Akademııaǵa qarasty kolledjderdiń tehnıkalyq jaǵdaıy jetedi», - deıdi M.Omarov.
