Otandyq televıdenıede mundaı megajoba bolmaǵan - Erlan Qarın
ASTANA.QazAqparat - «Qazaqstan» RTRK» AQ-nyń basqarma tóraǵasy Erlan Qarın 30 qyrkúıekten bastap «Qazaqstan» ulttyq arnasynyń kórermenderine jol tartatyn «Jibek Joly Juldyzdary» jobasynyń ótkizilý tártibi týraly aıtyp berdi, dephabarlaıdy «QazAqparat» HAA tilshisi.
«Bizdiń otandyq televıdenıede mundaı deńgeıdegi joba bolmaǵan. Biz úshin bul joba óte mańyzdy. Atalǵan joba arqyly aýdıtorııany keńeıtip qana qoımaı, eń basty maqsatymyz - óz elimizdiń mýzykalyq mádenıetin keń turǵyda nasıhattaýdy kózdep otyrmyz. Baǵdarlamanyń kontseptsııasyna sáıkes, shetelden kelgen qatysýshylar ár kezeń saıyn mindetti túrde qazaq ánderin oryndap otyratyn bolady", - dedi Erlan Qarın.
Onyń aıtýynsha, birinshi kezeńde óz elderiniń tanymal hıt áýenderin tanystyrylym retinde aıtar bolsa, ekinshisinde qazaqstandyq ánderdi óztilderinde aıtatyn bolady. Odan keıin taǵy bir kezeńde tanymal óz elderiniń ánderin qazaq tiline aýdaryp aıtady. Sondyqtan, jalpy 10-nan asa epızod bolsa, onyń beseýinde qazaq kompozıtorlarynyń ánderi oryndalady.
Jobanyń negizgi maqsaty - osy arqyly qazaq mýzykasyn keń turǵyda nasıhattap, shet elderde tanyta berý.
"Kóktem aıynan beri josparlap, jaz boıy júzege asyrý úshin jumys atqardyq. Arnaıy top jumys júrgizdi. Bul jobaǵa basa mańyz berip otyrmyz», - dedi Erlan Qarın.
Eske sala ketsek, «Jibek Joly Juldyzy» atty jańa halyqaralyq megajobasynda 9 eldiń, atap aıtqanda Qazaqstan, Qyrǵyzstan, Tájikstan, Ózbekstan, Túrkııa, Ázerbaıjan, Grýzııa, Reseı Federatsııasynyń: Tatarstan, Bashqurstan sııaqty elderiniń jarqyn juldyzdary bir sahnada baq synasady. Atalǵan án saıysynda Qazaqstannyń namysyn ánshi Aıqyn Tólepbergen qorǵaıdy.
