«Otandyq telearnalardy endi búkil el kóretin boldy» - respýblıkalyq basylymdarǵa sholý
***
«Egemen Qazaqstan» basylymy búgingi sanynda «Otandyq telearnalardy endi búkil el kóretin boldy» degen taqyryppen aqjoltaı jańalyq jarııalady. Maqalada atap kórsetilgenindeı, keshe Elbasy Nursultan Nazarbaev DVB-S2 standartyndaǵy Ulttyq spýtnıktik teleradıo habarlaryn taratý jelisiniń iske qosylý rásimine qatysyp, ony saltanatty jaǵdaıda iske qosty. Sóıtip, endi otandyq telearnalardy búkil el kóretin boldy. Tehnıkalyq máselelerdiń sheshilmeýine baılanysty tek kórshi eldiń kógildir ekranyna ǵana kóz tigip kelgen myńdaǵan otandastarymyzdyń oıyndaǵysy oryndaldy. Spýtnıktik sandyq teledıdardy iske qosý - bul ulttyq teleradıo taralymyn jańa sandyq tehnologııaǵa kóshirýdiń alǵashqy kezeńi. «Osy ınnovatsııalyq aýqymdy joba Elbasynyń tapsyrmasy boıynsha jáne Qazaqstan Respýblıkasynyń 2020 jylǵa deıingi ındýstrııalyq-ınnovatsııalyq damý baǵdarlamasyna sáıkes júzege asyrylyp otyr. Bul jobanyń basty maqsaty - elimizdiń shalǵaıdaǵy eldi mekenderin qonystanǵan turǵyndardyń aqparatqa degen qoljetimdigin qamtamasyz etý»,- delingen maqalada.
«Qaǵazbastylyqtan arylý jumys sapasyn arttyrady». «Egemen Qazaqstannyń» búgingi sanynda osyndaı taqyryppen jaryq kórgen maqalada keshe ǵana Úkimet basshysy Kárim Másimovtyń qatysýymen ótken Ádilet mınıstrliginiń 2010 jyldyń qorytyndylaryna arnalǵan alqa májilisinde kóterilgen máseleler baıandalǵan. Maqala avtorynyń jazýynsha, Ádilet mınıstrligi ótken jyly Memleket basshysy aldyǵa qoıǵan mindetterge saı óz ókilettigi aıasynda qomaqty sharalar atqarǵan. Naqtyraq aıtqanda quqyq qorǵaý qyzmeti men sot júıesiniń jumysyn jetildirýge baǵyttalǵan 17 zań qabyldap, «Elektrondy notarıat júıesin» engizgen. Sondaı-aq shaǵyn jáne orta kásipkerlikti qoldaýǵa baǵyttalǵan aýqymdy jumystardy júzege asyryp, jyljymaıtyn múlikti tirkeý merzimin 15-ten 5 kúnge deıin qysqartqan.
***
«Aıqyn» basylymynyń búgingi sanynda «Jaýapsyzdyqqa jol bergenderge aıaýshylyq joq» degen taqyryppen maqala jarııalandy. Onda Almaty oblysy ákiminiń aýdan, qala ákimderi men oblystaǵy sý qoımalary jáne sý sharýashylyqtary, taǵy basqa tıisti organdar basshylarymen ótkizgen shuǵyl jınalysynda kóterilgen máseleler baıandalady. Maqala avtorynyń jazýynsha, jınalysta bir ǵana másele qaralǵan. Ol - kóktemgi sý tasqynynyń aldyn alý jáne boldyrmaý. Jıyn barysynda oblys ákimi Serik Úmbetov Almaty oblysy aýmaǵyndaǵy asa apatty jaǵdaıda turǵan sý sharýashylyǵy ǵımarattary men gıdromeloratıvtik júıeleriniń jumysyn qalpyna keltirý úshin 418 mln teńge bólingenin aıtypty. Sonymen birge kúni búginge deıin óńirdegi sý qoımalarynyń basym bóligi áli ıesiz, qaraýsyz kúıde ekendigi talqylanǵan. Olardyń birqatary boıynsha kommýnaldyq menshikke qaıtaryp alýǵa baılanysty sot isteri júrip jatqanymen, qaraýsyz qalǵan jáne jekemenshiktegi sý qoımalaryna qatysty másele áli sheshimin tappaǵan. Sondyqtan joǵaryda aıtylǵan qomaqty qarajattyń ózin maqsatty paıdalaný múmkin bolmaı otyrǵan syńaıly. Osyǵan baılanysty oblys basshysy ıesiz qalǵan sý qoımalaryndaǵy sýdy eshteńege qaramastan aǵyzyp jiberýdi tapsyrǵan.
Sondaı-aq atalmysh basylymnyń habarlaýynsha, BUU-nyń Azyq-túlik jáne aýylsharýashylyq uıymynyń (AAU) málimetinshe, álemde azyq-túlik ónimderi qymbattap barady. Ótken jyldyń sońynda bul taýarlardyń kóterilý ındeksi sońǵy 20 jyl ishindegi eń joǵary deńgeıge jetipti. Ol tipti azyq-túlik daǵdarysy týraly alǵash aıtyla bastaǵan 2008 jyldyń maýsymyndaǵy baǵalar sheginen de asyp túsken. Sóıtip, kóptegen tamaq ónimderiniń baǵasy sońǵy 6 aıda qaýipti joǵary deńgeıge deıin kóterilgen. Onyń ústine boljap bolmaıtyn aýa raıynyń qolaısyzdyǵy jaǵdaıynda baǵalardyń ósýi bıylǵy jyly da jalǵasýy múmkin. Bul másele jóninde bilgińiz kelse, «Aıqyn» basylymynyń búgingi sanyndaǵy «Álemda azyq-túlik qymbattap barady» degen maqalaǵa zer salyńyz.
***
«Alash aınasy» gazetinde búgin «Araqtyń álegi azaıar emes» atty problemalyq maqala jaryq kórdi. «Alkogoldiń óser urpaq tıgizer zııany orasan zor ekendigi ertede - aq aıan bolǵan. Sondyqtan Ejelgi Rımde «30 jasqa deıingi jas adamdarǵa alkogoldik ishimdik ishýge tyıym salynady» degen zań shyǵarylǵan. Mundaı zań shyǵarýdyń negizi bar. Sebebi sol ýaqyttyń ózinde-aq 30 jasqa deıin adamnyń dúnıege urpaq ákelý tabıǵı qubylysy belsendi bolatynyn bilgen. Sondaı-aq erte kezde Reseı elinde de jańadan shańyraq kótergen jastarǵa araq ishýge ruqsat etilmegen. Mundaı derekterdi kóptep keltirýge bolady. Al frantsýzdar araq ishkish ata-analardan týylǵan áljýaz balalardy «jeksenbi kúngi balalar» nemese «kóńildi keshtiń balasy» dep kekesindi ataýmen ataǵan kórinedi» deı kelip, Tótenshe jaǵdaılar salasy mamandary jeke turǵynúı sektorynda oryn alatyn órttiń 70 paıyzdan artyǵyna alkogoldiń sebepshi ekenin aıtady. Jol polıtsııasy qyzmetkerleri de iri jol-kólik oqıǵalarynyń kópshiliginde araqtyń álegi bar ekenin joqqa shyǵarmaıdy. Al quqyq qorǵaý organy mamandarynyń málimetinshe, aýyr jáne óte aýyr qylmystardyń 60 paıyzdan artyǵy spırtti ishimdik ishken adamdar tarapynan jasalady eken deıdi», - delingen maqalada.
Sonymen qatar atalmysh basylymnyń búgingi sanynda «Elnamysynqorǵaıtynqazaqqansha?» atty maqala jarııalandy. Onda maqala avtory elimizdiń sport salasynda oryn alǵan túıtkildi máselelerge nazar aýdarady. Avtordyń jazýynsha, búginde elimizde qazaǵy kóp sport túrleri - bendı (dopty hokkeı) men frıstaıl (akrobatıka). Paıyzǵa shaqqanda, osy eki sport túrinde qazaqtar basym. Qazaǵy joq sport túrleri de joq emes. Konkımen júgirýdi qoıyppyz, múlde. Osydan biraz ýaqyt buryn «konkıdi oılap tapqan qazaqtar eken» degen daqpyrt shyǵyp edi. «Al biz óz jerimizdegi Azıadada júgiretin bir qazaq konkıshisin kóre almaı, pushaıman bolyp otyrmyz. Sodan soń frıstaıldyń mogýl dep atalatyn túrinde de qazaq atymen joq. Qyzyq, frıstaıldyń akrobatıkasyn meńgeremiz, al mogýldy múlde mańaılamaıtyn sııaqtymyz»,-deıdi maqala avtory.
***
«Kazahstanskaıa pravda» basylymynda «Plan vypolnen. Prognoz optımıstıchen» atty maqala jarııalandy. Onda Úkimettiń 2010 jyly atqarǵan jumystary men bolashaq mindetterine baılanysty keshegi ótken otyrysta talqylanǵan máseleler baıandalady. «Negizgi mindetter men ekonomıkalyq basymdyqtardy talapqa saı júzege asyrǵan mınıstrlikter men vedomstvo ókilderi aldaǵy ýaqytta ásirese bıznes-qoǵamdastyqtarymen tyǵyz qarym-qatynasta jumys istemek. Sonymen qatar bıyl Údemeli ındýstrııalyq-ınnovatsııalyq baǵdarlama aıasynda ishki jáne syrtqy ınvestıtsııalardy ekonomıkanyń qaıta óńdeý salasyna buryp, elimizdiń ınfraqurylymyn damytý isine kúsh salynbaq. Sondaı-aq kásipkerlikti qoldaý maqsatynda «Bıznestiń jol kartasy -2020» baǵdarlamasy jalǵasatyn bolady», - delingen maqalada.