Otandyq telearnalar kórermen úshin birlesip kúresetin bolady!
ASTANA. Shildeniń 26-sy. QazAqparat - Telearnalardyń basshylarymen májiliste Qazaqstan Respýblıkasy Baılanys jáne aqparat mınıstrligi jáne Qazaqstandyq telehabar taratýshylar arasynda ózara yntymaqtastyq týraly memorandýmǵa qol qoıyldy, onyń maqsaty, Qazaqstandyq ımıdjdi alǵa bastyrý, sonymen qatar, jastardy rýhanı-adamgershilikke tárbıeleýge jáne jalpy telearnalardyń áleýmettik jaýapkershiligine baǵyttalǵan, dep habarlady QR Baılanys jáne aqparat mınıstrliginiń baspasóz qyzmeti.
Kezdesý barysynda otandyq telearnalardy damytýdyń negizgi máseleleri, qazaqstandyq telearnalardyń básekege qabilettiligi, sonymen qatar, telearnalardaǵy efırde tildik tepe-teńdikti qadaǵalaý, memlekettik tildegi sapaly kontentti arttyrý jáne Internet arqyly óz ónimderin alǵa bastyrý máseleleri talqylandy.
Aqparattyq kezdesýdiń basty sebebi Qazaqstan Respýblıkasy Baılanys jáne aqparat mınıstrligi jáne Qazaqstandyq telehabar taratýshylar arasyndaǵy ózara yntymaqtastyq týraly memorandýmǵa qol qoıylýy boldy. Osy qujat, áleýmettik jaýapkershilik máseleleri jónindegi Qazaqstandyq tele-radıo taratýshylardyń yntymaqtastyǵyn kórsetetin tuńǵysh kelisim. Memorandýmǵa qatysýshylardyń barlyǵy Qazaqstan ımıdjin alǵa jyljytý, ósip kele jatqan jas býynnyń rýhanı-adamgershilik tárbıesine nazar aýdarý, sondaı-aq, áleýmettik-baǵyttaǵy kontentti efırde taratý mindetterin ózderine qabyldady, al Qazaqstan Respýblıkasy Baılanys jáne aqparat mınıstrligi óz kezeginde Qazaqstandyq buqaralyq aqparat quraldaryna olardyń kórermen úshin kúresterine qoldan kelgen kómegin kórsetýge tilek bildirýde.
Kezdesý barysynda televızııalyq efırlerdegi tildik tepe-teńdikti saqtaý máselelerine erekshe nazar aýdaryldy. Qazaqstan Respýblıkasy Baılanys jáne aqparat mınıstri Asqar Jumaǵalıev mınıstrliktiń til máselesine qatysty zańnamany saqtaý máselesine basa nazar aýdaratyndyǵyn jáne týyndaǵan jaǵdaıdy durystaıtynyn, sol sebepti, memlekettik tildegi sapaly televızııalyq kontenttiń efırge shyǵýyn telearnalardan kútetindigin eske salyp ótti.
Bul máselege qatysty pikirtalas barysynda birneshe oı pikirler men usynystar aıtyldy. Máselen, «Shahar» telekompanııasynyń bas dırektory Qýat Dombaı tildik tepe teńdikti saqtaý barysynda, otandyq habar taratýshylar tek qana orys tildi kontentti taratatyn kabeldi operatorlarmen teń emes jaǵdaılarǵa tap bolady degen oıyn bildirdi.
Keńes otyrysyna basqa da qatysýshylardyń pikirinshe, qazaq tildi kontent kórermender arasynda tanymaldylyqqa ıe emes, sonymen qatar, telearnanyń reıtıngisin tómendetedi. «KTK» arnasynyń bas dırektory Arman Shýraev mundaı kózqaraspen kelispeıtindigin aıtty. Onyń oıynsha, «másele eshkim kórmeıtindiginde emes, másele sapaly kontent jasamaıtyndyqtarynda». Arman Shýraev myrza mysal retinde, qazaq tilinde joǵary tanymaldylyqqa ıe óziniń birneshe baǵdarlamalaryn keltirdi.
Kezdesý sońynda Asqar Jumaǵalıev taratýshylar tarapynan erekshe nazarǵa ıe bolýy tıis qazaq tildi televızııalyq kontent sapasynyń máseleleri ekendigin sóz etip, qatysýshylardyń barlyǵyna aıtylǵan oı-pikirler úshin alǵys aıtty. Sondaı aq, Qazaqstan Respýblıkasy Baılanys jáne aqparat mınıstri elektrondyq buqaralyq aqparat quraldarynyń basshylaryna efırdegi qazaq tildiń mólsherin ulǵaıtýdy uzartpaýǵa keńes berip, bul másele erekshe baqylaýda ekendigin aıtyp ótti. Sebebi, aı saıyn monıtorıng júrgiziledi, ol atalǵan jaǵdaıdy saraptaýǵa baǵyttalǵan. Sonymen qatar Mınıstr kezdesýge qatysýshylardyń barlyǵyn «Teleradıotaratý týraly» zań jobasyn ázirleý úshin birlesken jumysqa shaqyrdy.
Kezdesý nátıjesi jóninde tolyqqandy aqparatty Asqar Jumaǵalıevtiń resmı blogynan oqı alasyzdar
