Otandyq taýar óndirýshilerge qandaı qoldaý kórsetilip jatyr
«Pandemııaǵa baılanysty ekonomıkalyq belsendilik quldyraǵanda satyp alýdy uıymdastyrý róliniń aıtarlyqtaı artatynyn birneshe ret atap óttik. El Prezıdenti aıtqandaı, qazirgi ýaqytta satyp alý ekonomıkalyq belsendilikti qalpyna keltirý quraly retinde qarastyrylady. Odan bólek, ekonomıster daǵdarysty ekonomıkanyń qaıta jandanýyna yqpal etedi dep esepteıdi. Ótken jáne aldyńǵy jyldary kompanııalar toby men qordyń ózi otandyq ónerkásip sektoryn qoldaý boıynsha aýqymdy jumys júrgizdi. Oǵan basa nazar aýdaramyz, sebebi ol eldiń eksporttyq áleýetiniń ósý negizi bolýy tıis», - dedi Álisher Pirmetov Samruk Akparat alańynda ótken onlaın brıfıngte.
Onyń aıtýynsha, ótken jyly offteık-kelisimshart baǵdarlamasy iske qosyldy, ol jańa óndiris qurýǵa, ımportty almastyrýǵa baǵyttalǵan jańa bastamalarǵa qoldaý kórsetedi. Bul maqsatta qordyń kelisimshart toby óndirýshilerdiń ónimin satyp alýǵa kepildik beredi.
«Offteık-kelisimsharttardyń nátıjesin qazir sezinýge bolady. qordyń ımportty almastyrý baǵdarlamasynyń aıtarlyqtaı keńeıip kele jatqanyn habarlaǵymyz keledi. Osyǵan baılanysty biz qordyń satyp alý qyzmetiniń dástúrli tásilderiniń tutas júıesin qaıta qaradyq. Eger buryn satyp alý júıesi tek ishki holdıngtik operatsııalyq fýnktsııany kózdese, qazir ol otandyq bıznesti qoldaýdyń naqty mehanızmin qosa qarastyrady. Maýsym aıynda ótken qor basqarmasynyń otyrysynda biz qazirgi aýyr ekonomıkalyq jaǵdaıdaǵy qazaqstandyq kásiporyndardy qoldaýdyń jańa baǵdarlamasyn ázirleýdi habarlaǵan edik. Bul sharalardy Qaýipsizdik Keńesi men onyń tóraǵasy qoldady. Baǵdarlama bizdiń kompanııalarǵa óz ónimderin ótkize almaı júrgen kásiporyndarmen tikeleı shart jasasýyn qarastyrady. Bul – óte aýqymdy jáne ózekti másele. Bul bizdiń kompanııalarymyzǵa qajetti taýarlardy satyp alýǵa, al kásiporynǵa – óndiristik protsesti toqtatpaýǵa múmkindik beredi. Kerisinshe, keıbir kásiporyndar boıynsha óndiristik qýatty arttyrý jáne jumys oryndaryn saqtaýdy qarastyramyz», - dedi spıker.
Kórsetilgen artyqshylyqtar men paıdadan basqa, óndiristik júktemeni ulǵaıtý týraly bıýdjetke qosymsha 6 mlrd teńge salyq túsedi. ıAǵnı, jańa tásilderdi iske asyrý jumys oryndaryn saqtap qana qoımaı, bıýdjetti qamtamasyz etýge, jańa jumys oryndaryn qurýǵa múmkindik berip, jumys istep turǵan kásiporyndardy qoldaýdyń naqty tetigi bolmaq.
«Qor otandyq taýar óndirýshilerdi qoldaý boıynsha júıeli jumysty odan ári jalǵastyrýǵa nıetti. Osy maqsatta QR Úkimeti janyndaǵy Jobalyq keńsemen, «Atameken» kásipkerler palatasymen jáne salalyq qaýymdastyqtarmen jumys isteımiz. Mundaı júıeli sharalar el ekonomıkasynyń ósýine yqpal etedi, daǵdarystan jańartylǵan áleýetpen shyǵýǵa jáne shıkizat naryqtarynyń konıýktýrasyna táýeldilikten arylýǵa múmkindik beredi», - dep qortyndylady Á. Pirmetov.
