Otandyq taýar bırjasy qalaı damytylady
Esterińizge sala ketsek, Memleket basshysy Qasym-Jomart Toqaevtyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýyn iske asyrý jónindegi jalpyulttyq is-sharalar bekitilgen bolatyn.
Atalǵan jospardyń 46-tarmaǵyna sáıkes QR Saýda jáne ıntegratsııa mınıstrligi taýarlyq bırjalar qyzmetin retteýdi jetildirý zańnamasy boıynsha is-shara bekitken edi.
Bırjalyq saýdany damytý boıynsha alǵa qoıylǵan mindetterdi júzege asyrý úshin mınıstrlik bırjalyq saýdany jetildirý men damytýǵa baǵyttalǵan «Qazaqstan Respýblıkasynyń keıbir zańnamalyq aktilerine bırjalyq saýdany damytý jáne jetildirý máseleleri boıynsha ózgerister men tolyqtyrýlar engizý týraly» QR zańynyń jobasyn ázirledi.
Atalǵan zań jobasy úsh negizgi baǵytty, atap aıtqanda, taýar bırjasy qyzmetiniń talaptary men ashyqtyǵyn arttyrýdy; bırjalyq saýdany damytý úshin básekeles orta men sharttardy qalyptastyrýdy, bırjalyq saýda kólemin ulǵaıtýdy kózdeıdi.
«Qazaqstan Respýblıkasy Úkimetiniń 2021 jylǵy 6 mamyrdaǵy qaýlysymen zań jobasy QR Parlamenti Májilisine engizildi. 17 mamyrda Májilistiń Ekonomıkalyq reforma jáne óńirlik damý komıteti zań jobasyn qaraýǵa aldy. Atalǵan komıtettiń 2021 jylǵy 8 maýsymdaǵy qaýlysymen zań jobasy boıynsha qorytyndy ázirleý úshin jumys toby quryldy. 2021 jylǵy 1 qyrkúıekten bastap QR Parlamentiniń Májilisinde konferents-baılanys rejıminde zań jobasyn qaraý jónindegi jumys tobynyń 3 otyrysy ótti», - dep atap ótedi QR Saýda jáne ıntegratsııa mınıstrliginen.
Vedomstvo málimetinshe, quramynda mınıstrlikter men bıznes ókilderi, Májilis depýtattary bar jumys toby «Taýar bırjalary týraly» QR Zańyna ózgertýler jáne tolyqtyrýlar engizý jónindegi jekelegen normany talqylady.
«Jumys tobynyń otyrystary aıaqtalǵannan keıin zań jobasy komıtet otyrysynda qaralyp, sodan keıin Májilistiń jalpy otyrysyna jiberiledi. Zańnamaǵa atalǵan tolyqtyrýlardy engizý qoljetimdilikti jaqsartýǵa jáne bırjalyq saýdanyń kólemin ulǵaıtýǵa, jańa, onyń işinde sheteldik seriktesterdi tartýǵa, básekelestik ortany qurýǵa, shynaıy baǵalardy ornatýǵa, bırjalyq mámilelerdiń anyqtyǵyn qamtamasyz etedi. Osynyń bári birigip, turaqty jáne básekege qabiletti otandyq bırja salasyn qalyptastyrady», - dep túsindiredi mınıstrlikten.
