Otandyq sýsyndar Ulybrıtanııa men Japonııaǵa eksporttalady
«Bıyl eksporttyń geografııasy keńeıedi degen josparymyz bar. Temirjol ónimderi - Mysyr, Ázerbaıjan men Ózbekstanǵa, ammıak selıtrasy - Grýzııaǵa, sary fosfor men fosfor-kalıı tyńaıtqyshtary - AQSh, Chexııa, Germanııa men Polshaǵa, balmuzdaq - Mońǵolııaǵa, sý, sút pen et - Aýǵanstan, Sıngapýr men Qytaıǵa, jeńil kólikter - Qyrǵyzstanǵa, armatýra - Tájikstanǵa, saflor maıy - Japonııaǵa, natrıı tsıanıti - Reseıge, amonıı sýlfaty - Qyrǵyzstan, Reseı men Tájikstanǵa, xrom ónimderi men alkogolsiz sýsyndar - Japonııa, Ulybrıtanııa, Túrkııa, Aýǵanstan men Belarýs eline, qurylys qyzmetteri, sıntetıkalyq mıkrofıbra, shoıyn buıymdary jáne avtobýstar jaqyn shetelge eksporttalady», - dedi A.Qabykenov Úkimet úıinde ótken baspasóz máslıxatynda.
Aıta keteıik, resmı málimetke sáıkes, 2018 jyly on bir aıdyń ishinde jalpy eksporttyń kólemi 54,7 mıllıard AQSh dollaryna jetti. Bir jyldyń ishinde atalǵan kórsetkish 26,4 protsentke ósti. Sonyń ishinde shıkizattyq emes ónimderdiń kólemi 2,9 protsentke artyp, 14,3 mıllıard dollardy qurady. Al óńdeý ónerkásibiniń eksporty 9 protsentke ósip otyr.
«Búginde Qazaqstan 119 elge 800-ge jýyq ónimdi eksporttaıdy. Eksporttyq qorjynymyz jyl saıyn orta eseppen 5-8 ónimmen tolyqtyrylyp otyrady», - dep atap kórsetti A.Qabykenov.
