Otandyq sharýalar mal júnin Qazaqstan-Italııa birlesken kásipornyna ótkize alady

ASTANA. QazAqparat - Aqtóbe oblysynda ıtalıandyq tehnologııa boıynsha óńdelgen júnnen toqylmaǵan materıaldar óndirile bastaıdy, dep habarlaıdy QazAqparat.

26 qyrkúıekte Qazaqstannyń Aýyl sharýashylyǵy mınıstrligi CORMATEX S.r.l. jáne KAZAKH INVEST UQ AQ arasyndaǵy ózara túsinistik týraly memorandýmǵa qol qoıdy.

«Jobany KazFeltec JShS qazaqstandyq kompanııasy ıtalıandyq ınvestor Cormatex-pen birlesip iske asyratyn bolady. Ol qarjy quıýdan basqa, kásiporyndy ıtalıandyq tehnologııamen jáne jabdyqtarmen qamtamasyz etedi. Jobanyń quny 10 mln dollarǵa baǵalanady, onyń 70 %-yn qaryz somasy qurap otyr», - dep habarlady AShM.

Aıta keteıik, qazirgi ýaqytta Qazaqstanda júnniń 70%-ǵa jýyǵy kádege jaratylady. Jańa jobanyń ashylýy mýltıplıkatıvti áserge ıe bolady, sonyń arqasynda qazaqstandyq mal ósirýshiler maldyń júni men terisin satyp, paıda taba alady.