Otandyq serıaldardyń sapasy men tildik ereksheligine nazar aýdarylýy kerek – jazýshylar pikiri
«Memleket basshysynyń tapsyrmasymen tarıhı jobalaraǵa, halqymyzdyń salt-dástúri men tarıhyn, negizgi qundylyqtaryn nasıhattaıtyn ónimderge basa nazar aýdaryp otyrmyz. Mınıstrliktiń janynan qoǵamdyq keńes qurýdaǵy maqsat – serıaldyq jáne derekti fılm óndirisiniń damýyna sapaly yqpal etý, bolashaǵyna baǵdar berý, serıaldyq ónimderdiń ózekti máselelerin talqylaý, ónimderdiń taqyryptyq ári mazmundyq baǵytyn saralaý. Tarıhı kezeńderge, ult bolmysyn ózgertken oqıǵalarǵa, qoǵam ómirindegi kókeıkesti máseleler men protsessterge mán berilmek. Taǵdyrly kezeńderdiń basy-qasynda júrgen tulǵalardyń rólin de sol taqyryp aıasynda tutas kórsetý kózdelip otyr», - dedi Aqparat jáne qoǵamdyq damý mınıstri Darhan Qydyráli qoǵamdyq kórkemdik keńestiń alǵashqy otyrysynda.
Kezdesýge belgili jazýshylar, rejısserler, stsenarıster men telearna basshylary qatysty.
Keńes otyrysynda jazýshy Smaǵul Elýbaı serıaldardyń kórkemdik sapasyn arttyrý máselesin kóterse, jazýshy, dramatýrg Roza Muqanova telehıkaıalardyń kórkemdik sheshimine mán berilip, tildik ereksheligine basa nazar aýdarylýy kerektigin aıtty. Sonymen birge, rejısser Qalıla Omar balalarǵa arnalǵan telehıkaıalar óndirisin qolǵa alý máselesin kóterse, Aleksandr Aksıýtıts jas mamandarǵa debıýt berý bastamasyn qolǵa alýǵa shaqyrdy.
