Otandyq selektsıonerler qarakúıe aýrýyna shaldyqpaıtyn bıdaı túrin oılap tapty
ASTANA. QazAqparat - Qazaqstandyq selektsıonerler bıdaıdyń qarakúıe aýrýyna shaldyqpaıtyn sortyn oılap shyǵardy. Bul týraly QR AShM «Ulttyq agrarlyq ǵylymı-bilim berý ortalyǵy» KEAQ Basqarma tóraǵasy Asqar Nametov OKQ-da ótken baspasóz máslıhatynda málim etti, dep habarlaıdy «QazAqparat» HAA tilshisi.
«Ósimdik sharýashylyǵynda sońǵy 25 jylda bizdiń selektsıonerler aıtarlyqtaı jemisti eńbekke qol jetkizdi. Táýelsizdik alǵan jyldary bizdiń elimizde otandyq sorttar bolmaǵan edi. Búginge deıin biz barlyq óńirlerimizdi otandyq sorttarmen qamtamasyz etý múmkindigine ıe bolyp otyrmyz. Sońǵy 7 jylda biz genetıkalyq-bıotehnologııalyq deńgeıde sapaly sorttardyń legin anyqtadyq», - deıdi Asqar Nametov.
Baspasóz máslıhaty barysynda «UAǴBBO» Basqarma tóraǵasy qazaqstandyq selektsıonerlerdiń jetistikteri týraly naqty mysaldardy keltirdi.
«Búgingi kúni kóptegen ósimdik sharýashylyǵynyń birneshe salasy ártúrli bıologııalyq aýrýlardyń keselinen ónimdiligi tómen bolyp jatatynyn qupııa emes. Bizdiń selektsıonerler bıdaıdyń qarakúıesinen qorǵalǵan sapaly sortyn oılastyryp shyǵardy. Almanyń birneshe túri boıynsha da osyndaı jetistikterimiz bar. Sonymen birge, bakterııalyq kúıikten qorǵalǵan almanyń sorttary shyǵaryldy», - deıdi Asqar Nametov.
Onyń aıtýynsha, álemdegi astyq alqabynyń 4 mln gektarynan qazaqstandyq bıdaı sorty orylady.
