Otandyq «Ryvok» fılmi VIII Halyqaralyq «Atlant» sporttyq fılmder festıvalinde júldege ıe boldy
ALMATY. 4 qazan. QazAqparat /Ádilet Musahaev/ - Sh.Aımanov atyndaǵy «Qazaqfılm» AQ-da túsirilgen rejısser Qaǵanat Mustafınniń «Ryvok» fılmi VIII Halyqaralyq «Atlant» sporttyq fılmder festıvalinde «Sport jónindegi eń úzdik fılmder» atalymy boıynsha úshinshi orynǵa ıe boldy.
Esterińizge sala ketsek, atalǵan fılm 27-30 qyrkúıek aralyǵynda Reseıdiń Lıpetsk qalasynda ótken festıvaldiń baıqaý baǵdarlamasyna qatysqan edi. Sonymen birinshi oryn serbterdiń «Montevıdeo» fılmine buıyrsa, ekinshi orynǵa «Mýjskaıa ı jenskaıa ıgra» atty reseılik ónim ıe bolǵan.
«Maǵan festıvaldiń uıymdastyrýshylyq jaǵy óte qatty unady. Al «Ryvok» fılmin kórermender jyly qabyldady», -deıdi jeke marapatqa ıe bolǵan rejısser Q.Mustafın.
Sonymen qatar ol barlyq kórsetilim kezinde zal halyqqa lyq toly bolǵandyǵyn jáne álemniń ár túkpirinen qonaqtar kelgendigin jetkizdi.
«Atlant» - dúnıe júzi boıynsha Mılandyq sporttyq fılmder festıvalinen keıingi orynda. Biraq osy joly odan basym tústi deýge bolady. Óıtkeni 27 elden 101 tapsyrys túsken. Sonymen qatar túrli janrdaǵy fılmder usynyldy», -dep atap ótti rejısser.
