Otandyq penıtentsıarlyq júıeniń tarıhynda alǵash ret sottalǵandar men olardyń týystarynyń online rejımdegi beınebaılanysy ótkizildi

dep habarlady Ádilet mınıstrligi Qylmystyq-atqarý júıesi komıtetiniń baspasóz qyzmetinen.

Bul jańalyqtyń negizgi maqsaty - sottalýshylarǵa moraldyq jáne psıhologııalyq qoldaý kórsetý, dep atap kórsetti mass-medıa ókilderiniń qatysýymen ótken ilki jobanyń tanystyrylymynda Komıtet tóraǵasy Sultan Qusetov.

Joba qylmystyq-atqarý zańnamasyn júzege asyrý aıasynda qolǵa alynyp otyr. Beınebaılanys múmkindigi túzetý mekemesiniń ishki tártibin múltiksiz saqtaǵandarǵa, sondaı-aq jaqsy jumys istegenderge jáne mádenı-buqaralyq sharalarǵa belsendi atsalysqandarǵa beriletin bolady.

Qazirgi tańda sottalýshylarǵa elimizdiń túkpir-túkpirindegi týystarymen Internettiń kómegimen kezdesýler uıymdastyrý máselesi de qaralýda.