Otandyq ónimdi keńinen tanytý baǵytynda nasıhattaý sharalaryn júrgizý kerek - Á. Isekeshev

ASTANA. 20 qyrkúıek. QazAqparat - Búgin Úkimette Indýstrııalandyrý kartasy jobalaryn júzege asyrýǵa arnaǵan selektorlyq keńeste QR Úkimet basshysynyń orynbasary - QR Indýstrııa jáne jańa tehnologııalar mınıstri Áset Isekeshev kóbisi elimizde óndiris kólemi eleýli deńgeıge jetkenin bilmeıtindigin aıtty.

«Jobalardyń bastamashylaryna, ásirese, óńirlik bılik, ulttyq holdıngter otandyq ónimderdi tanytyp, túsindirý boıynsha jumystardy jandandyrý kerek. Sońǵy úsh jylda óte kóp ónim paıda boldy jáne bul jaıynda az aıtylyp júr. Іri kásiporyndar iske qosylyp, biz avtokólikter, medıtsınalyq jabdyqtar men dári-dármekti, azyq-túlik, vagondar, sondaı-aq basqa da mańyzdy taýarlardy shyǵaramyz. Osy oraıda otandyq ónimdi keńinen tanytyp, osy baǵytta túsindirý sharalaryn júrgizý kerek», - dedi mınıstr. Osy oraıda Á. Isekeshev elimizde túrli avtokólikterdiń 50 modeli qurastyrylatynyn, otandyq qurylys materıaldaryn óndirý deńgeıi 65 paıyzǵa jetkendigin, sonymen qatar farmatsevtıkalyq dáriler boıynsha kórsetkish 30 paıyzǵa jetkendigin kóbisi bilmeıtindigin sóz etti.