Otandyq ónim ımporttyq ónimderge qaraǵanda arzan - Ivan Saýer
ASTANA. QazAqparat - Qazaqstanda shyǵarylǵan taýarlar ımporttyq taýarlarǵa qaraǵanda arzan. Bul týraly Ortalyq kommýnıkatsııalar qyzmetinde ótken brıfıngte Ulttyq kásipkerler palatasynyń agroónerkásiptik komıtetiniń tóraǵasy Ivan Saýer málimdedi.
"Otandyq azyq-túlik taýarlarynyń baǵasy teńge devalvatsııasynan keıin ımporttyq taýarlarmen qatar qymbattaǵanyn aıtatyndar kóp. Biraq olaı emes ekenin aıtqym keledi. Eger saýda oryndaryna barsańyzdar, 100 paıyzdyq shıkizattan turatyn otandyq ónim - «Zenchenko ı K» ShQ, «Ijevskıı» ÓK, «Astana-Ónim» AQ, «Rodına» agrofırmasynyń sút ónimderin aıtam, - bári de ımporttyq taýarlardan, ımporttyq qurǵaq maısyzdandyrylǵan sútpen aınalysatyn otandyq ónimderdiń baǵasyna qaraǵanda arzan, - dedi ol.
Búgin sizder munda ımporttyq shıkizatqa baǵdarlanǵan, baǵany kóteretin bıznes qurylymdaryn shaqyrsańyzdar, olar bizben múldem kelispeıdi. Bıznes-qurylymnyń aǵysy san alýan. Men kelispeıtin jaǵdaılardy bireýler qalypty dep sanaýy da múmkin. Al, sonymen birge bizdiń elde de sútti sút, qurǵaq sútti qurǵaq sút dep ajyratatyn boldy. Bul úshin tipti Memleket basshysyna deıin barýǵa týra keldi», - dedi I. Saýer.
