Otandyq óndirýshilerdi qarjylandyrý boıynsha jospardy bekitý týraly QR Úkimeti qaýlysyna ózgerister engizildi

ASTANA. QazAqparat - Qazir qaı salada bolsyn otandyq ónimdi damytý ózekti másele bolyp otyr. Osy maqsatta Qazaqstanda qazirgi tańda memleket tarapynan otandyq taýar óndirýshiler men eksporttaýshylardy qoldaýǵa basa kóńil bólinýde. Olar úshin qandaı da bir jeńildikter qarastyrý, qarjylaı qoldaý kórsetý, nesıelendirý t.s.s. el úkimeti júzege asyryp jatqan saıasattyń bir baǵytyna aınaldy. ıAǵnı, otandyq ónimdi, otandyq taýar óndirýshilerdi qoldaý arqyly ǵana biz elimizdi kórkeıtip, órkenıettiń shyńyna shyǵa alamyz.

Basty maqsaty - Qazaqstannyń uzaq merzimdi ekonomıkalyq ósýin qamtamasyz etý bolyp tabylatyn «Nurly Jol» baǵdarlamasynyń ekinshi baǵytynda 2015 jylǵa arnalǵan daǵdarysqa qarsy jańa is-sharalardy qamtylǵan edi. Bul jospar otandyq mashına jasaý salasyn jáne eksportty, sondaı-aq agroónerkásip keshenin qosymsha qoldaýǵa arnalǵan. Baǵdarlamany júzege asyrýǵa Ulttyq 2015 jyly - 796 mlrd. teńge, 2016 jyly - 379 mlrd. teńge bólinse, 2017 jylǵa 3 mlrd. AQSh dollaryna teń kólemde qarajat baǵyttaý josparlanýda. 

Bul turǵyda, otandyq avtoóndirýshilerdi qoldaý tetikterine egjeı-tegjeıli toqtalsaq. Investıtsııalar jáne damý mınıstrligi múddeli memlekettik organdarmen jáne uıymdarmen birlese otyryp, Úkimet jáne «Báıterek UBH» AQ-tyń birlesken is-qımyl josparyna sáıkes otandyq avtoóndirýshilerdi qoldaý avtonesıelendirý jáne lızıngtik qarjylandyrý arqyly júzege asyrylatyn bolady. Onyń birinshisi - avtonesıelendirý tetigi boıynsha bolsa, ekinshisi - lızıngtik qarjylandyrý tetigi aıasynda júzege asyrylýda. Osy oraıda, QR Úkimeti tarapynan engizilgen otandyq avtoóndirýshilerdi memlekettik qoldaý tetigi retinde Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń otandyq óndirýshiler men eksporttaýshylardy qarjylandyrýdy qamtamasyz etý jónindegi birlesken is-qımyl josparyn bekitý  týraly QR Úkimetiniń 2015 jylǵy 23 sáýirdegi №271 qaýlysyna ózgerister engizildi.  

 

Qazaqstan Respýblıkasy Úkimetiniń qaýlysy  №599

 

2016 jylǵy 21 qazan, Astana, Úkimet Úıi

 

«Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń otandyq óndirýshiler men eksporttaýshylardy qarjylandyrýdy qamtamasyz etý jónindegi birlesken is-qımyl josparyn bekitý  týraly» Qazaqstan Respýblıkasy Úkimetiniń 2015 jylǵy 23 sáýirdegi №271 qaýlysyna ózgerister engizý týraly

 

Qazaqstan Respýblıkasynyń Úkimeti qaýly etedi:

1. «Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń otandyq óndirýshiler men eksporttaýshylardy qarjylandyrýdy qamtamasyz etý jónindegi birlesken is-qımyl josparyn bekitý týraly» Qazaqstan Respýblıkasy Úkimetiniń 2015 jylǵy 23 sáýirdegi № 271 qaýlysyna (Qazaqstan Respýblıkasynyń PÚAJ-y, 2015 j., № 23, 142-qujat) mynadaı ózgerister engizilsin:

kórsetilgen qaýlymen bekitilgen Qazaqstan Respýblıkasynyń Úkimeti men Qazaqstan Respýb­lıkasy Ulttyq Bankiniń otandyq óndirýshiler men eksporttaýshylardy qarjylandyrýdy qamtamasyz etý jónindegi birlesken is-qımyl josparynda:

«Qarjylandyrý tetikteri men sharttary» degen bólimde:

«1. Otandyq avtoóndirýshilerdi qoldaý» degen taraýda:

«Otandyq óndiristiń avtomobılderin degen satyp alýshylardy - túpkilikti qaryz alýshylardy qarjylandyrý sharttary» degen kishi bólimde:

2-tarmaqta:
1) jáne 2) tarmaqshalar mynadaı redaktsııada jazylsyn:

«1) jeńil avtokóliktiń 1 birliginiń quny 15 000 000 teńgeden aspaıdy;

2) kredıt berý merzimi - 7 jyldan aspaıdy;»;

5) tarmaqsha alyp tastalsyn;

«EDB arqyly otandyq avtoóndirýshilerdi qoldaý sheńberinde negizdelgen qarjylandyrý qarajatyn monıtorıngteý» degen kishi bólimde:

2-tarmaqtyń úshinshi bóligi mynadaı redaktsııada jazylsyn:

«KDB» AQ EDB usynǵan derekterdiń mynadaı sharttarǵa sáıkes kelýi turǵysynan tekseredi: avtomobıldiń 1 (bir) birliginiń eń joǵary quny, syıaqy mólsherlemesi, kredıt berý merzimi jáne eskertýler bolmaǵan jaǵdaıda, QR UB-ǵa tıisti hat jiberedi.»;

 

«4. Otandyq eksporttaýshylardy qoldaý» degen taraýda:
«Otandyq eksporttaýshylardy qoldaý sheńberinde tikeleı kredıt berý, negizdelgen jáne lızıngtik qarjylandyrý» degen kishi bólimde:

 

2-tarmaqtyń 2) tarmaqshasy mynadaı redaktsııada jazylsyn:

 

«2) nomınaldy syıaqy mólsherlemesi - «QDB» AQ ishki qujattaryna sáıkes eseptelgen, biraq jyldyq 12,5%-dan aspaıdy;».

 

2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.

 

Qazaqstan Respýblıkasynyń Premer-Mınıstri B.SAǴYNTAEV