Otandyq óndirýshiler Astana ákimdigimen birlesip jańa týǵan sábılerge syılyqtar berdi
Sharany uıymdastyrýǵa Astananyń 20 jyldyǵyna oraı qala ákimdigi jáne «ASTANA ıÝtarııa Ltd ÓIK» JShS muryndyq bolyp otyr. Ol búgingi tańda elimizdegi eń iri tigin jáne toqyma ónimderin shyǵarý boıynsha eń iri kompanııalardyń biri bolyp tabylady.
Ústimizdegi jyldyń ekinshi jartysynan bastap aktsııa aıasynda kompanııa astanalyq náresteler men balalarǵa 20 myńnan astam syılyqtar toptamasyn tartý etken.
Bul jyldyń ekinshi jartysy bastalǵaly atalǵan aktsııa aıasynda kompanııa 9 myńnan asa syılyqtar toptamasyn óndirip, ony jańa bosanǵan analar men sábılerge tabystady.
«ASTANA ıÝtarııa Ltd ÓIK» kompanııalar tobynyń damý jáne strategııalyq josparlaý jónindegi dırektory Ásel Júrgenovanyń aıtýynsha, syılyqtar toptamasy náresteler men olardyń anasyna alǵashqy kúnderi qajet bolatyn 17 túrli zattan turady.
«Toptamaǵa Hanshatyr, Báıterek sııaqty Astananyń kórnekti oryndarynyń keskini túsirilgen tórt túrli jaıalyq kiredi. Ol keskinderdi kásiporyn dızaınerleri arnaıy ázirlegen. Budan tys, toptamaǵa náresteniń túımesiz jeıdesi, qolǵap, toqylǵan bas kıim men oramal, shulyq, balalr konverti, trıkotaj eńbekteme, kúrteshe, telpek, analarǵa arnalǵan qolaıly sómke, sábıdiń aljapqyshy da bar. Ónimderdiń barlyǵy memlekettik sertıfıkatqa ıe, barlyq ekologııa normalaryna jaýap beredi, tabıǵı matadan, jáne qazaqstandyq maqtadan tigilgen», - deıdi Á. Júrgenova.
Onyń sózine qaraǵanda, bul bastama tutas áleýmettik jobaǵa aınalyp, barlyq analardyń kóńilinen shyǵyp otyr.
Ákimdik pen kompanııanyń osy qamqorlyǵyna kóp balaly ana Albına Serkebaeva alǵys aıtty.
«Bul biz úshin kútpegen syılyq boldy. Onyń ústine men altynshy balamdy bosandym. Memlekettiń mundaı qamqorlyǵy óte qýantady. Biz úshin bul shynymen de mańyzdy», - deıdi Albına Serkebaeva.
«Astana qalasynyń ákimdigi jáne biz otandyq taýar óndirýshi retinde respýblıkanyń jańa azamattarynyń ómirge kelýi asa mańyzdy ekenin bildirip, kishigirim qamqorlyq tanytqymyz keldi. Búgingi tańda Qazaqstanda jeńil ónerkásip jaqsy damyp keledi. Otandyq ónimder sheteldik taýarlarǵa bergisiz», - deıdi «ASTANA ıÝtarııa Ltd ÓIK» kompanııalar tobynyń damý jáne strategııalyq josparlaý jónindegi dırektory.
Onyń sózine qaraǵanda, elordalyqtar otandyq óndirisshi shyǵarǵan kıim, bas kıim jáne aıaq kıimderdi Kúmisbekov kóshesi, 3a mekenjaıynda ornalasqan «ÝnıverMAG.kz» dúkeninen qoljetimdi baǵamen alýyna bolady.
«ASTANA ıÝtarııa Ltd ÓIK» kompanııalar tobynyń naryqta júrgenine 18 jyldan asty. Osy kezeń barysynda ol ózin joǵary sapaly otandyq taýar shyǵarýshy retinde tanytyp úlgerdi. Kásiporynda jeńil ónerkásip ónimderiniń neshe túri shyǵarylady. Onyń ishinde kúndelikti kııýge arnalǵan jáne kıim-keshek, úı kıimderi, trıkotaj ónimderi, mektep jáne model kıimderi de bar. Kompanııa byltyrdan beri shyǵaryp kele jatqan klassıkalyq kostıýmder eksportqa da jiberýge bolady. Sondaı-aq, kásiporyn barlyq salaǵa arnalǵan kıimderdi, jáne áskerı formalardy da óndiredi», - dedi Á. Júrgenova.
