Otandyq óndiristiń jańa jaryqdıodty shamshyraǵy elektr qýatyn 18 paıyzǵa deıin únemdeýge múmkindik beredi
ASTANA. 27 qarasha. QazAqparat - Astanada «Astana Innovations» AQ-nyń ofıstik, jaryqdıodty, elektr qýatyn únemdegish shamdary jobasynyń tusaýkeseri ótedi.
Elordanyń resmı saıtynyń málimetinshe, keńselik jańa shyraǵdannyń mańyzdy basymdyǵy onyń naryqtaǵy belgili balamalarymen salystyrǵanda tutynatyn elektr qýatyn 10-18 %-ǵa deıin únemdep, jaryqty 9-25 % artyq beretindiginde. Ári jaryq túsirý aýqymy olarǵa qaraǵanda 10-25 gradýsqa kóbirek bolyp tabylady.
Mundaı tıimdilikke usaq jaryqdıodtary men biregeı jaryq shaǵylystyrǵysh akrıldi áınekterdi paıdalanýdyń arqasynda qol jetkizilip otyr, - dep málimdeıdi jobany ázirleýshiler.
Jobany ázirleýshilerdiń aıtýynsha, mundaı shyraǵdan mehanıkalyq soqqylarǵa shydamdy, paıdalanýǵa qolaıly, óıtkeni, jeńil jáne qurylymy qarapaıym. Sonymen qatar ol jaı shyraǵdandarǵa qaraǵanda - 5 jylǵa deıin úzdiksiz paıdalanýǵa jaramdy.
Eske salaıyq, «Astana Innovations» kompanııasy osydan birneshe aı buryn elorda kóshelerin osyndaı jaryqdıodty, qýat únemdegish shamdarmen jabdyqtaý jónindegi jobany iske qosty.
