Otandyq munaı ónimderi jaqyn arada naryqty jaýlaı bastaıdy - vıtse-mınıstr
Onyń aıtýynsha, qazaqstandyq naryqta otandyq munaı ónimderiniń kóbeıe bastaıtyn kúni alys emes.
«Búginde Atyraý jáne Pavlodar munaı óńdeý zaýyttaryn qaıta jańǵyrtý jobasy sátti aıaqtaldy. Shymkent MÓZ jyl sońyna deıin iske qosylady. Bul jumystar aıaqtalǵan soń ımportqa táýeldi bolyp otyrǵan benzın, dızel otyny, áýe kerosıni boıynsha otandyq qamtý beleń ala bastaıdy», - dedi Mahambet Dosmuhambetov.
Vıtse-mınıstr aıtqandaı, bıyl úsh MÓZ-ge de jóndeý jumysyn avtomattandyrý júıesi engizilgen. Ol zaýytty jóndeý ýaqytyn 45 kúnnen 20 kúnge deıin qysqartýǵa múmkindik beredi. Zaýyttar 3 jylda bir ret 45 kúnge jabylatyn bolady. Ár zaýytta munaı óńdeý kólemi ulǵaıady.
«Osylaısha jaqyn arada qazaqstandyq naryqta otandyq munaı ónimderi kóbeıe bastaıdy», - dedi ol. 
Búgin Almatyda «KEOGE» - «Munaı jáne gaz» halyqaralyq munaı jáne gaz kórmesi saltanatty túrde ashyldy. Kórmede munaı óndirý kásiporyndaryna arnalǵan zamanaýı tehnologııalar, ınjınırıngtik baǵdarlamalar kópshilik nazaryna usynyldy.
Odan bólek, kórme aıasynda iskerlik kezdesýler, tanystyrýlar, kompanııalar men memlekettik organdar arasynda kelissózder josparlanǵan.
