Otandyq munaı óńdeý zaýyttary jańartylǵannan keıin eldiń ishki suranysy 100 paıyzǵa qamtamasyz etilmek - mınıstr S.Myńbaev
ASTANA. 21 sáýir. QazAqparat /Rýslan Ǵapbasov/ - Qazaqstannyń munaı óńdeý zaýyttaryn jańartýdyń nátıjesinde eldiń ishki suranysy 100 paıyzǵa qamtamasyz etilmek.
Búgin «Bnews» portalynda ótken baspasóz máslıhatynda QR Munaı jáne gaz mınıstri Saýat Myńbaev osylaı aıtty.
Mınıstr atap kórsetkendeı, búginde Atyraý munaı óńdeý zaýytyn jańartý boıynsha tıisti jumystar bastaldy. Shymkent munaı óńdeý zaýytynda da bul is-sharalardy qytaılyq ınvestorlarmen birlesip atqarý josparlanyp otyr. «Qazirgi kezde tek Pavlodardaǵy munaı óńdeý zaýyty boıynsha ǵana sheshilmeı jatqan túıtkildi máseleler bar. Bul máseleler únemi talqylanyp keledi. Jalpy, men oılaımyn, Qazaqstannyń munaı óńdeý zaýyttaryn jańartýdyń nátıjesinde eldiń ishki suranysy 100 paıyzǵa qamtamasyz etilmek», - dep atap kórsetti S.Myńbaev.
Aıta keteıik, elimizdegi úsh munaı óńdeý zaýyttaryn jańartýǵa 4 mlrd. AQSh dollary bólinip otyr.
