Otandyq munaı óńdeý zaýyttary jańartylǵan kezde jylyna 18,5 mıllıon tonna munaı óńdeletin bolady- Áset Maǵaýov
ALMATY. 24 naýryz. QazAqparat /Erlik Erjanuly/ - Otandyq munaı óńdeý zaýyttary jańartylǵan kezde jylyna 18,5 mıllıon tonna munaı óńdeletin bolady.
Bul týraly búgin Almatyda ótip jatqan "6-shy Halyqaralyq munaı óńdeý, munaı hımııasy jáne munaı ónimderiniń «KazRefinEx-2011» sımpozıýmynda Munaı jáne gaz vıtse-mınıstri Áset Maǵaýov aıtty.
«Buryn biz Eýro-1, Eýro-2, Eýro-3, Eýro-4 standarttary dep ataıtynbyz. Qazir olar qazaqstandyq standartpen K1, K2, K3, K4 dep atalady. Byltyr elimizde 13,7 mıllıon tonna munaı óńdeldi. Qaıta jańartýdan keıin óndiristik qýat Atyraý munaı óńdeý zaýytynda 5 mln tonna, Shymkent munaı óńdeý zaýytynda - 6 mln tonna, Pavlodar munaı óńdeý zaýytynda 7,5 mln tonnany quraıtyn bolady», - deıdi Á. Maǵaýov.
Onyń aıtýynsha, otandyq munaı óńdeý zaýyttaryn jańartý 2016 jylǵa deıin sozylady. Sodan keıin olar jylyna 18,5 mln tonna munaı óńdeıtin bolady. Al byltyr Qazaqstanda 13,7 mıllıon tonna munaı óńdelgen.
