Otandyq mýltıplıkatorlar qazaq tilinde 20 jańa mýltfılm jasady
Qazaqstandyq anımatsııaǵa bıyl 55 jyl toldy. Sháken Aımanov atyndaǵy «Qazaqfılm» kınostýdııasy janynan «Qazaqanımatsııa» shyǵarmashylyq birlestigi (ShB) ashylyp, qazaq mýltıplıkatsııasynyń jumysy qaıta jandandy. Búgingi tańda «Qazaqanımatsııa» shyǵarmashylyq birlestigi konkýrstyq negizde respýblıkanyń iri qalalarynan málimdelgen 167 stsenarıı ishinen úzdik 20-syn tańdap, 5 mınýttyq anımatsııalyq kartınalardan turatyn 20 pılottyq jobany aıaqtap úlgerdi.
«2022 jyl ulttyq anımatsııalyq kıno óneri úshin aıtýly jyl boldy. Sebebi bıyl qazaq anımatsııalyq kıno ónerine 55 jyl toldy. Anımatsııa salasy maıtalmandarynyń talaı jyldan bergi armany oryndalyp, Sháken atamyzdyń atyndaǵy «Qazaqfılm» kınonostýdııasy janynan «Qazaqanımatsııa» shyǵarmashylyq birlestigi jańadan jasaqtalyp, qaıta quryldy. 1967 jyly qazaq mýltıplıkatsııasynyń negizin qalaýshy, rejısser Ámen Qaıdardyń «Qarlyǵashtyń quıryǵy nege aıyr?» atty tuńǵysh fılminen bastaý alǵan Qazaq anımatsııalyq kıno óneri elimizdiń keleshegi jas urpaqqa jarty ǵasyrdan astam ýaqyt boıy tolassyz qyzmet etýmen keledi», - dedi QR Mádenıet jáne sport mınıstri Dáýren Abaev.
«Qazaqanımatsııa» shyǵarmashylyq birlestiginiń jumysy bastalǵaly úsh aı ishinde anımatsııa salasyndaǵy álemniń jetekshi mamandarynan sheberlik synyptary ótkizildi. Oqý baǵdarlamasy barysynda 300-den asa stýdentter men joba qatysýshylary sheteldik jáne qazaqstandyq mamandardyń dáristeri men praktıkalyq sabaqtaryna qatysyp, kásibı tájirıbelerin shyndady.
Іs-shara barysynda Mádenıet mınıstri anımatsııa ardagerlerine marapatady. «Eńbek ardageri» medalin, kınorejıser-mýltıplıkatorlar Gúlmıra Sadyqova men Galına Dýsenko jáne sýretshi-mýltıplıkator Ernst Beıseıtov aldy.
Mádenıet mınıstrine «Qazaqanımatsııa» ShB sheńberinde qurylǵan 20 pılottyq joba kórsetildi. Sonymen qatar, qazaqstandyq mýltıplıkatorlar anımatsııa salasyndaǵy halyqaralyq áriptesterimen memorandýmdarǵa qol qoıyldy.
Aıta keteıik, 55 jyl ishinde otandyq eki júzden asa mýltfılm túsirilip, otyzdan asa anımatsııalyq stýdııalar ómirge keldi. 2018 jyly anımatsııalyq kınostýdııalar qaýymdastyǵy qurylyp, óz kezeginde bul qaýymdastyq rýhanı-mádenı mańyzy bar kóptegen is sharalardy atqaryp keledi. Sonyń ishinde jyl saıyn uıymdastyrylatyn Halyqaralyq Amen festıvali.
Bıyl Amen festıvaline qatysýǵa Ázerbaıjan, Grýzııa, Ispanııa, Qazaqstan, Qytaı, Túrkııa, Ózbekstan jáne Frantsııa mýltıplıkatorlarynan barlyǵy 147 ótinim tústi, olardyń 55-i irikteýden ótti. Bul jobalardy otandyq jáne sheteldik anımatsııanyń kórnekti qaıratkerleri engen qazylar alqasy iriktedi.
Aldaǵy jyly qazaq anımatsııalyq kıno óneriniń atasy Ámen Qaıdardyń týǵanyna bir ǵasyr, ıaǵnı 100 jyl tolmaq. Osyǵan oraı «Qazaqanımatsııa» shyǵarmashylyq birlestiginde Ulttyq kınony qoldaý memlekettik ortalyǵynyń tapsyrysymen «Ámen aǵanyń ǵajaıyp báıteregi» atty qysqametrajdy mýltfılm túsirildi.
