Otandyq medıtsınaǵa jasandy ıntellekt engizilmek

ASTANA. QazAqparat - Otandyq densaýlyq saqtaý salasyna «Watson for oncology» jasandy ıntellektin pılotty joba retinde engizý josparlanyp otyr. Bul týraly OKQ-da ótken baspasóz máslıhatynda Densaýlyq saqtaý vıtse-mınıstri Oljas Ábishev málim etti, dep habarlaıdy QazAqparat tilshisi.

«Ótken jyldyń qyrkúıeginde Qazaqstan Respýblıkasynyń Densaýlyq saqtaý mınıstrligi men ІVM kompanııasy yntymaqtastyq týraly kelisimge kelip, onyń aıasynda medıtsına salasyna jasandy ıntellektini pılotty joba retinde engizý josparlandy», - deıdi vıtse-mınıstr.

Oljas Ábishevtiń aıtýynsha, Onkologııa ı radıologııa ǵylymı-zertteý ınstıtýtynyń bazasynda pılotty aprobatsııa kezinde dáriger-onkologtardyń qatysýymen nozologııanyń 13 túri boıynsha (jynys múshesiniń obyry, asqazan qyltamaǵy, ókpe qaterli isigi, sút beziniń qaterli isigi, jıek isheginiń isigi, baýyrdyń qaterli isigi, óńesh, qýyqaldy beziniń, tik ishek, jatyr jáne qalqansha beziniń qaterli isigi) 57 emdeý protsesi júrgizilgen.

Dárigerler arasynda júrgizilgen saýalnama nátıjesinde qatysýshylardyń 90 paıyzy pılotty aprobatsııaǵa oń baǵasyn bergen.