Otandyq medıtsınada 3D prınterler paıda bolmaq

ASTANA. QazAqparat – Densaýlyq saqtaý mınıstrligi otandyq medıtsınada 3D prınterlerdi tirkep, qoldanýdy josparlap otyr. Bul týraly Densaýlyq saqtaý vıtse-mınıstri Beıbit Esenbaev málim etti, dep habarlaıdy QazAqparat tilshisi.

«Otandyq medıtsına salasynda 3D prınterler qoldanylady. Biraq, onyń belgili bir talaptary bar. Birinshiden 3D prınterler medıtsınalyq tehnıka retinde tirkelýi mindetti. Óıtkeni, 3D prınterde basyp shyǵarylatyn medıtsınalyq buıymdar belgili sharttarǵa saı bolýy kerek. Ekinshiden, elimizde áli kúnge deıin birde-bir 3D prınter medıtsınalyq tehnıka retinde tirkelmegen», – dedi Beıbit Esenbaev ortalyq kommýnıkatsııalar qyzmeti alańynda ótken baspasóz máslıhatynda.

Vıtse-mınıstrdiń aıtýynsha, otandyq medıtsınada 3D prınterlerdi tirkeý josparda bar.

«Ózderińiz biletindeı, qazir travmatologııa ortalyǵynda jańa blog salynyp jatyr. Jańa blogta 3D prınterlerdi ornatýdy boljap otyrmyz. Degenmen qaıtalaǵym keledi, 3D prınterlerdi qoldaný úshin ol medıtsınalyq tehnıka retinde tıisti protsedýralardan ótip, tirkelýi tıis. Sodan keıin ǵana qoldanysqa ruqsat», - deıdi ol.

Buǵan deıin Beıbit Esenbaev densaýlyq saqtaý salasyna «Ericsson Nikola Tesla» platformasynyń engizilmeý sebebin túsindirgen edi.