«Otandyq medıtsına otanyń jańa túrine daıyn» - respýblıkalyq basylymdarǵa sholý
***
«Egemen Qazaqstan» basylymynyń búgingi sanynda «Torqaly toı aldyndaǵy tolaıym tabys» atty maqala jaryq kórdi. Onda Memleket basshysy Nursultan Nazarbaevtyń Qaraǵandy oblysyna sapary barysy týraly baıandalady. Basylymnyń jazýynsha, otandyq ındýstrııanyń qara shańyraǵy ári qajymas qara nary sanalatyn aımaqta atqarylýdaǵy jumystar qulashy jyldan-jylǵa keń. Soǵan dáıekti derek retinde 10 aıdyń kórsetkishi boıynsha ónerkásip ónimi óndirisiniń kólemi 1 trılllıon teńgeden asqanyn ataýǵa bolady.
Sondaı-aq osy basylymnyń habarlaýynsha, keshe Ortalyq saılaý komıssııasynyń tóraǵasy Qýandyq Turǵanqulovtyń tóraǵalyq etýimen komıssııanyń otyrysy ótti. Otyrysta Qazaqstan Respýblıkasy Parlamenti Májilisi depýtattary men máslıhattary depýtattaryn saılaý boıynsha saılaý naýqandaryn uıymdastyrýǵa qatysty birqatar mańyzdy qaýlylar qabyldandy. Osy qujattardyń maqsat-mindetteri jóninde «Egemen Qazaqstan» basylymynyń búgingi sanyndaǵy «Birqatar mańyzdy qujattar qabyldandy» atty maqaladan bilýge bolady.
***
«Aıqyn» basylymynyń jazýynsha, daǵdarystyńdaýryqpa habary alystan estile bastaǵaly, halyq taǵy da úrpıise bastady. «Erteńgi kún ne bolar?» degen saryýaıym jelkeden taǵy basyp tur. Osy oraıda Qazaqstan psıhologtar qaýymdastyǵy halyq dertke shaldyqpas úshin, daǵdarystyń aldynda psıhologııalyq ta daıyndyq kerek ekenin eskertýde. Áıtpese bastan ótken birinshi daǵdarys kezinde halyq arasynda psıhologııalyq apatııa, depressııa, nevroz syndy somatıkalyq aýytqýlar jıi baıqalypty. Endeshe otandyq mamandar bul máseleni qalaı sheshpek?. Bul saýaldyń jaýabyn «Aıqyn» basylymynyń búgingi sanyndaǵy «Daǵdarys dertke shaldyqtyryp júrmesin» atty maqaladan izdeńiz.
***
«Alash aınasy» basylymynyń jazýynsha, Qytaıda kádimgi baýyrdy dári retinde paıdalanǵan desedi ańyzdarda. Al tarıhshylardyń zertteýlerine qaraǵanda, bul ańyz emes, aqıqat. Jer qoınyna engen adamnyń baýyryn táninen ajyratyp alyp, onymen tasjúrek, qatygez jandardyń minezin jónge salǵandary, kim biledi, ras ta shyǵar... Mine, baýyrdyń qasıeti qandaı! Adamnyń sana - sezimine tanym-túısigine qalaı áser etse, baýyr adam aǵzasy úshin de sonshalyqty mańyzdy. Sondaı-aq baýyr óte názik. Ol - adam aǵzasynyń hımııalyq zerthanasy ispetti. Al buny medıtsınada qalaı paıalanýǵa bolady. Bul týraly «Alash aınasy» basylymynyń búgingi sanyndaǵy «Otandyq medıtsına otanyń jańa túrine daıyn» atty maqaladan bilýge bolady.
***
«Kazahstanskaıa pravda» basylymynyń jazýynsha, keshe Astana men Almatyda «Nur Otan» halyqtyq demokratııalyq partııasynyń qalalyq fılıaldarynyń Saıası keńesteriniń keńeıtilgen májilisteri ótti. Onda partııanyń «Qazaqstan. Maqsattar - 2017. Ulttyq is-qımyl jospary» maquldanyp, saıası birlestiktiń aldaǵy ýaqytta ótetin XIV kezekten sezine qatysatyn delegattar anyqtaldy. Keńeıtilgen májiliste kóterilgen osy jáne ózge de máseleler jóninde «Kazahstanskaıa pravda» basylymynyń betindegi «Natsıonalnyı plan odobren» atty maqaladan bilesizder.
