Otandyq medıtsına balmen emdeýge kóshedi
ASTANA. QazAqparat - Otandyq medıtsına balmen emdeýge kóshedi, dep jazady KTK.
Aranyń baly - tek tátti taǵam emes, taptyrmas em. Balmen emdeý terapııasyn damytý máselesin bilikti dárigerler talqyǵa saldy.
Emniń bul túri kóptegen elderde bir izge salynǵan. Ásirese, Ýkraına men Reseıde. Bul elderde orta eseppen árbir adam jylyna 2 keli bal jese, bizdegi tutyný adam basyna shaqqanda nebári 40 gramnan aspaıdy. Bal - dári-dármek ishýden góri áldeqaıda tıimdi tabıǵı em, ári adam aǵzasyna zııansyz, deıdi dárigerler. Muny kóbinde asqazan, ishek, júıke, ókpe aýrýlarynda jıi paıdalanatyn kórinedi. Ázirshe, atıterapııa ortalyǵy elimizde tek Almatyda ǵana bar.
«Biz aýyrǵan kezde dárimen birge túrli qospalardy ishemiz. Ol durys emes. Mysaly, bir aranyń ózinnen 7 túrli ónim shyǵady. Onymen jyl boıy júıeli túrde tamaqtanatyn bolsa, onda adamda ınfarkt bolmaıdy. Insýlt bolmaıdy. Onyń júıkesi jaqsy isteıdi. Asqazany jaqsy jumys isteıdi», - deıdi Qazaqstan omartashylary ulttyq odaǵynyń vıtse-prezıdenti Ǵabıt Nurádil.
