Otandyq kontentti damytýǵa jekemenshik telearnalar tartylady
Bul týraly búgin Astanada «Sandyq dáýirdegi televızııa: qazaqstandyq bolmys pen jahandyq úrdis» atty forým barysynda QR Mádenıet jáne aqparat mınıstrligi Aqparat jáne muraǵat komıtetiniń tóraǵasy Bolat Kalıanbekov málim etti. Onyń aıtýynsha, «Aqparattyq Qazaqstan-2020» baǵdarlamasy aıasynda otandyq aqparattyq kontentti damytý qarastyrylǵan. Qazirgi ýaqytta mınıstrlik sapaly televızııalyq ónimderdi shyǵarý maqsatynda memlekettik emes telearnalardy yntalandyrýdy josparlaýda.
«Alǵashqy tájirıbe bar. Bıyl mınıstrlik memlekettik tapsyrysty jekemenshik telearnalarǵa da úlestirip berdi. Olar: NTK, KTK, STV, 31 arna, ASTANA TV. Biz bul arnalarǵa tok-shoý, derekti fılmder, jastarǵa arnalǵan baǵdarlamalar sııaqty naqty jobalardy jasaýǵa tapsyrys beremiz. Olardyń reıtingtik kórsetkishterine saı tólem júrgiziledi. Bıyl bul ilki joba retinde endi. Kelesi jyly osy baǵyttaǵy jumystardy kúsheıtetin bolamyz. Otandyq kontent qurýda memlekettik emes telearnalardy belsendi qatysýǵa yntalandyra beremiz. Kelesi jyldan bastap memlekettik emes telearnalarǵa 15-ten astam joba jasaý jóninde tapsyrys jasalady», - dep atap ótti ol.
