Otandyq kompanııa Nur-Sultan men Almatydaǵy blokbeketterge 25 kólik syılady
ÓSKEMEN. QazAqparat – «BIPEK AVTO - AZIıA AVTO» holdıngi Nur-Sultan men Almaty qalalaryndaǵy blokbeketterge 25 kólik syılady, dep habarlaıdy QazAqparat.
«BIPEK AVTO - AZIıA AVTO» kompanııalar toby koronavırýs ınfektsııasymen kúres jónindegi shtabtarǵa 30 avtomobıl tapsyrdy. Atap aıtqanda, elorda blokbeketterine – 15, Almaty blokbeketterine 10 kólik jetkizildi. Sondaı-aq Shyǵys Qazaqstan oblystyq Densaýlyq saqtaý basqarmasyna 5 kólik berildi.
«Kún saıyn eldegi jańalyqtardy baqylap otyrmyz. Elbasy Nursultan Nazarbaev óz úndeýinde osyndaı qıyn-qystaý kezde eshkim tasada qalmaı, óz múmkindiginshe áreket etý kerektigin aıtty. Biz de qarap qalmaı koronavırýstyń aldyn alý maqsatynda qurylǵan shtab ókilderine 30 kólik jiberýdi jón sanadyq», - deıdi kompanııanyń bas dırektory Erik Saǵymbaev.
