Otandyq kólik alýshylarǵa vaýcher berýdi qarastyrý kerek – Prezıdent
NUR-SULTAN. QazAqparat – Memleket basshysy Qasym-Jomart Toqaev otandyq kólik alýshylarǵa ýtıldik alym esebinen vaýcher berýdi qarastyrýdy tapsyrdy, dep habarlaıdy QazAqparat.
Buǵan deıin Prezıdent Úkimetke «Operator ROP» kompanııasynyń ýtıldik alym jınaýyna tyıym salýdy, ýtıldik alym stavkalaryn qaıta qaraýdy tapsyrǵan edi.
«Memlekettiń ýtılızatsııalaý, avtomobıldik ónerkásip pen aýyl sharýashylyǵy mashınalaryn jasaýǵa qoldaý kórsetýin eshkim toqtatqan joq. Bul máseleni bıznespen jáne qoǵammen konstrýktıvti túrde talqylaý kerek. Otandyq avtokólik pen aýyl sharýashylyǵy tehnıkasyn satyp alýshylarǵa ýtıldik alym esebinen vaýcher berý máselesin qarastyrý kerek. Osy jáne ózge de ýtıldik alym qarajatyn qoǵamǵa paıdamen jaratý tásilderin qarastyryńyzdar», - dedi Prezıdent Májilistiń búgingi otyrysynda.
Aıta keteıik, Memleket basshysy Qasym-Jomart Toqaevtyń Parlament Májilisiniń otyrysynda sóılegen sózin 27 respýblıkalyq jáne óńirlik telearna men 3 radıo tikeleı efırde taratty.
